12:12 | 11 avqust 2012 | Şənbə
Məqaləyə 3416 dəfə baxılıb
Şriftin ölçüsü
«London «Bayıl»ı»
Səbinə ƏVƏZQIZI
MÖVZU İLƏ ƏLAQƏLİ
-
Londonda ictimai nəqliyyat sisteminə kiberhücum
5 min müştərinin şəxsi məlumatları və bank hesabları təhlükədə olub
-
İncəsənətə qənim kəsilən ekoaktivistlər
Londonda iki nəfər həbs cəzasına məhkum edilib
-
“Tanrının Əli” rekord qiymətə satıldı ...
... 2 milyona
-
“Məni polis qorudu”
İngiltərədə PKK tərəfdarları azərbaycanlıya hücum edib
-
Dünyanın ən qədim metrosu ...
270 stansiya, 402 kilometr uzunluq, 3 milyon sərnişin
-
Məqsədyönlü, yoxsa texniki xəta?
Azərbaycanın münsifləri “Eurovision” müsabiqəsindən niyə kənarlaşdırılıb?
-
Londonun gizli, funtlu milyarder gildiyaları
Orta əsrlərdə xeyirxahlıq nümunəsi olan qədim şirkətlər indi simicləşib
-
Oliqarxı ya öldür, ya müflis et
Britaniya izaholunmayan sərvəti necə müsadirə edir?
-
Avropada ara qarışır
Londonda atışma, Parisdə isə iğtişaşlar baş verib
-
«Bəzi icra başçıları özbaşınalıq edir»
Deputat Adil Əliyev iddialara cavab veri: «Bunu yoxlamaq çətin deyil»
-
Deputatın şirkətinin Bayıla gecə basqını
«Bir də gördük evin damını uçururlar…»
-
«Tanrı məni qoruyurmuş»
5 kvadratmetrlik otaqda bir ömürlük təəssürat
-
Hotel otağı
… Yaxud Dərviş Parisi partladır
-
«Kamança ilə ilk dəfə babamın ad günündə tanış oldum»
Londonda yaşayan Aida Məmmədova: «Qonşuluqda azərbaycanlı musiqi müəllimin yaşamasından təəccübləndik»
-
«Biz Totenhemdə Allah düzəldirik»
Son qırx ildə Londonun ilk anqlikan kilsəsi tikilib
-
Aktivlik 8 bal qiymətləndirilir
Bakının bu hissəsində seysmik təhlükə artdı
Londonda olimpiada zamanı keçirilən kütləvi etirazları eşidəndə, yadıma Bakının “Eurovision”lu günləri düşdü. Xəbər yayılır ki, Londonda heç də hamı Olimpiya atmosferini yaşamır.Paytaxt sakinləri, hətta “Əks-Olimpiya” şəbəkəsi də yaradıblar. Etiraz edilən hadisələrin sırasında Olimpiya oyunları üçün sakinlərin və sahibkarların Londonun bir çox rayonlarından başqa yerə köçürülməsi də var. Eynilə Bakıda da Bayılda bəzi köçürülmələr edildi.
Bakı ilə London hardasa oxşar tale yaşayırlar. Belə ki, Avropanın mərkəzi hesab edilən Londonun da “Bayıl”ı və “bayıllılar” qayğısı varmış. Və indi dünyanın məşhur KİV-ləri Londondakı qayğıları gündəmə gətirir.Ya Bakı o qədər inkişaf edib və gəlib o səviyyəyə çatıb ki, Londonla eyni problemlər yaşayır, ya da günah London meriyasındadır. Lakin maraqlı hadisələrlə yadda qalmaqda Londonun meri Boris Conson bakılı həmkarını vurub keçir. O, çayın zibillərdən təmizlənməsində könüllülərə yardım edirmiş və şəxsən özü əyilib zibil götürərkən suya yıxılıb. Reportyorlar sinəsinə qədər suyun içərisində olan merin bu vəziyyətində o ki var şəklini çəkib bütün dünyaya yayıblar.
Əslində elə bütün bu hadisələrin səbəbi KİV-lərlə bağlıdır. Yəni beynəlxalq tədbirin Bakıda, Kiyevdə, Londonda, yaxud da Afrikanın hansısa 10-cu dərəcəli bir şəhərində keçirilməsinin heç fərqi yoxdur. Təki həmin zaman ora xeyli turist və əsas da media nümayəndəsi gəlsin. O zaman bütün problemlər yada düşür. Çünki ev sahibinin qonaq-qara yanında nəsə etməyəcəyini hamı bəri başdan bilir. İmkan düşmüşkən faydalanırlar.Jurnalistlərə də nədənsə həmin məkanlar və orada yaşananlar daha çox beynəlxalq tədbirlər ərəfəsində cazibəli gəlir.
Demək, söhbət həqiqətən də ortadakı problemə və həmin problemin həllinə münasibətdəndir? Əgər elə olsaydı avropalı yazarlar, şərhçilər yazdıqları məkanları yalnız beynəlxalq müsabiqələr ərəfəsində deyil, ondan xeyli-xeyli əvvəl və sonra da xatırlayardılar. Ən pisi də odur ki, müsabiqə bitən kimi də elə bil qurbağa gölünə daş atırlar. Birdən-birə bütün media maraqları, hüquq-müdafiə təşkilatlarının diqqəti əl-ayağını çəkir.
Bəs, harada qaldı səmimiyyət? Axı, özlərini elə göstərirdilər ki, sanki bu qayğılar onların həyati amillərinə çevrilib. Elə Londonda da belə olacaq. Olimpiya oyunları yekunlaşan kimi, indi bar-bar bağırılan məsələlərin biri də dünya mətbuatının diqqətini çəkməyəcək. Nə İngiltərədə ucuz əmək qüvvəsinin istismarı, nə də ki, Olimpiya oyunlarından külli miqdarda gəlir götürmək məqsədilə Londonun bir çox rayonlarından köçürülən sakinlər və sahibkarlar.
