vaxtlı-vaxtında oxuyun! Bazar ertəsi, 27 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Bir gün azad yaşamaq, qırx il boyunduruq altında yaşamaqdan daha üstündür»

Babək Xürrəmi (798 - 838)
TOP OYUNLARI  
20:55 | 24 oktyabr 2016 | Bazar ertəsi Məqaləyə 4400 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Neftçi»ni dağıdan «zövq»lülər

Və ya «xalq yaradıcılığı»nı yırtan yırtıcılar

Natiq MUXTARLI

MÖVZU İLƏ ƏLAQƏLİ

İnanın mənə, bunu etmək olduqca çətindi. Hətta çox çətindi. Çünki bunu bacarmaq üçün adamda ağıl, fərasət, təşəbbüskarlıq olmalıdı. Siz elə bilirsiz ki, sökmək, dağıtmaq asandı? Əgər elə düşünürsüzsə, yanılırsız. Çətindi, çox çətindi. Üstəlik söhbət xalq diqqət mərkəzində olan nədənsə gedirsə. Axı camaat nə bilir axı kreativlik, yenilikçilik, yaradıcılıq nədir? Onlar düşünür ki, sökmək, dağıtmaq mahiyyətcə yaradıcılıqdan uzaq bir şeydir. Ona görə də, bu işlə məşğul olanları ən yaxşı halda tənqid edirlər, pis haldasa, söyürlər.

Amma nahaq. Bunu başa düşmək üçün gərək xaraktercə həm yaradıcı, həm də təşəbbüskar olasan. Üstəlik, ağlın, səbrin də olmalıdı. Çətin işdir, çox çətin. Gördünüz, «Neftçi»ni necə dağıtdılar? Həm də neçə ilə dağıtdılar. Yox, bu işə dünən yox, hələ Hans-Yurgen Gedenin dönəmində «poexali» deyib, girişmişdilər. Amma o zaman «qaragüruh», yəni xalq bu işin sona çatdırılmasına imkan vermədi.

Sözün düzü həmin vaxt bir qədər təcrübəsizlik də olmuşdu. Yoxsa xalqın ağzını bağlamağa nə vardı ki? Səbirlə gözlədilər. Məqam yetişən kimi yenə də başladılar. Yadımdan çıxmadan onu da deyim ki, bu məsələdə həm də iradə tələb olunur. Hansı ki, birinci mərhələdə barbarlarda bu yox idi. Axı sökürsənsə, sənə qarşı təpkilər olacağı məlumdur. Bax o gərginliyə davam gətirmək üçün iradə lazımdır ki, «yaradıcı» söküntünü bitirsin.

Bitdi. Xalq yazıçısının, şən və hazırcavabın, pianistin yaradıcı təfəkkürünün mükəmməl vəhdəti sənət əsərini başa çatdırmağa imkan verdi. «Neftçi»ni dağıtdılar. «Xalq komandası»nı yaradıcı təfəkkürlə, gözəl dağıtdılar. Bu dəfə xalq zövq aldı bu yaradıcı söküntüdən. «Yaradıcılığın sərhədi olmur» ifadəsi boşuna deyilməyib ki.

Bitdi. «Neftçi»ni sökdülər. Uçurdub dağıtdılar. İndi gedə bilərsiniz. Amma gecən cisminizdir. Şübhəniz olmasın ki, adınız Azərbaycanın futbol tarixində qalacaq. Həm də futbolun qara səhifələrində. Sizi heç vaxt unutmayacaqlar. «Xalq komandası»nı xalqa zövq yaşada-yaşada dağıtmağı bacaranları, xalq unutsa da, tarix unutmayacaq. Artıq vəzifənizi bitirdiniz. Cisminizi də götürüb, gedin!


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)