vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
CƏMİYYƏT  
07:23 | 14 noyabr 2016 | Bazar ertəsi Məqaləyə 3056 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qanunsuz ov silahları satılır

Heç kim silahın sənədləri ilə maraqlanmır

MÖVZU İLƏ ƏLAQƏLİ

Ov silahları Azərbaycanda sosial şəbəkələrdə açıq reklamla satışdadır. Bu silahları satmaq üçün xüsusi icazə sənədi tələb olunsa da, bəzi şəxslər heç bir qurumda qeydiyyatdan keçmədən sosial şəbəkələrdə rahatlıqla silah alveri ilə məşğuldur. «Facebook»dakı rəylərdən kifayət qədər alıcının olduğu açıq-aşkar görünür. Maraqlısı odur ki, heç kim silahın sənədləri ilə maraqlanmır. Onları maraqlandıran əsas qiymət və silahın təzə ya işlənmiş olmasıdır. Qiymətlər isə 1000 manatdan başlıyır.

Polisdən satış üçün arayışın olmaması silahların sənədlərinə nəzarəti və hər hansı cinayətdə işlənməsini müəyyən etməyə imkan vermir. Belə olduqda isə vətəndaş özü belə bilmədən hansısa bir cinayətdə işlənmiş silahın cəzasını çəkə bilər.

«Xezerxeber.com» bildirir ki, hüquqşünas Xəyal Bəşirov isə belə silahların satışını həyata keçirən şəxslərin məsuliyyət daşıdığını deyir.

Qanunla fərdi satışına icazə olmayan silahların nəzarətsiz satılması Ovçular Birliyini də narahat edir. Birliyin sədri Füzuli Əşrəfov bu cür satışın tamamilə qanunsuz olduğunu deyir. Onun sözlərinə görə, vətəndaş fərdi mülkiyyəti olan silahı satmaq istədikdə polisə müraciət edib satış üçün icazə arayışı ala və həmin arayışı istənilən ovçuluq mağazasına təqdim etməklə istədiyi silahı sata bilər.