Jurnalist Zabil Müqabiloğlunun vəziyyəti sabitləşib. Vaxt.az xəbər verir ki, jurnalistin yaxınlarıının sözlərinə görə, əməliyyatdan sonra palataya köçürülən jurnalistin durumu yaxşıdır, ancaq qaraciyər köçürülməsi üçün donor axtarılır: «Həkimlər bu gün də sonuncu analizlərinin nəticələrini müayinə etdilər, vəziyyəti yaxşıdır. Yaşaması üçün sonuncu şans olaraq tez bir zamanda qaraciyər əməliyyatı olunmalıdır».

Zabil Müqabiloğlunun hər iki bacısı donor uyğunluğu üçün müayinədən keçiriləcək, hansı uyğun olarsa, ondan sonra qaraciyər köçürülməsi əməliyyatı gerçəkləşdiriləcək.

Zabil Müqabiloğlu uzun illər «Yeni Müsavat» qəzetində redaktor vəzifəsində çalışıb. Son illər isə təsisçisi olduğu «Gunxeber.com» saytına rəhbərlik edib. (Lent.az)