vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
RƏY, REPLİKA  
00:24 | 31 yanvar 2019 | Cümə axşamı Məqaləyə 2192 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Böyük qapalı dairə ...

... Yaxud biz Qərb üçün nə qədər önəmliyik?

Rövşən ƏLİYEV

MÖVZU İLƏ ƏLAQƏLİ

Dünən kiçik qapalı dairədən yazdım. (Mövzu o idi, qırağa çıxmadım.) Aktivistlərin bəzilərinin beyni davam gətirmədi. Möhkəm durun, zəlzələnin balını artırıram. İndi böyük qapalı dairədən yazacam.

Qərbin inkişaf modelini, siyasi modelini örnək götürdüyümə görə, çoxları elə bilir Qərb hökumətlərinə münasibətim yaxşıdır. Xeyr, siyasətçilərə demokratiya hakimiyyətə gəlmək üçün lazımdır, ondan sonra mane olur. Hakimiyyətdəkilər demokratiyanı sevə bilməzlər. Qərb cəmiyyətləri siyasətçiləri bu tale ilə barışmağa məcbur ediblər. Ancaq bu o demək deyil ki, hakimiyyətin xislətini dəyişiblər.

Girişi uzatmayım, mətləbə gəlim. Biz, demək olar ki, Qərbin heç vecinə deyilik. Burda qəribə bir şey yoxdur. Elə özümüz bir-birimizə deyirik: “qarabağlı sonlu öldü sənə nə, sonsuz öldü sənə nə”. Vəziyyətə kim nəzarət eləyir Qərb də onunla əməkdaşlıq eləyəcək, onu tanıyacaq. (Bu yerdə bir haşiyə çıxım ki, ermənilər Qarabağda vəziyyətə nəzarət eləyə bilməsələr, Qərb onlara kömək eləməz.) Bütün hökumətlərə belə sərf eləyir. Allahın Lukaşenkosuna əlimyandı 900 milyon lazım olanda İlham Əliyevə üz tutur. Düzdür, Batya səmimi olub, orda-burda danışıb. Axı biz bilmirik, başqalarına nə lazım olur. Hamıda kolxoz sədri səmimiyyəti olmaz ki.

Gələk lap mətləbin üstünə. Dedim, biz Qərbin vecinə deyilik. Tam dəqiq deyil. Bir az vecinəyik. Rusiyadan yan keçən alternativ enerji mənbəyi və bir neçə şirkətin sərmayə qoyması səbəbindən bir az vecinəyik. Böyük qapalı dairə bununla bağlıdır. Əsrin müqaviləsinə təkcə Azərbaycan hökuməti imza atmayıb. Klassik müxalifət dediyimizin də imzası var. Bəzi gənc aktivistlər bu böyük dairənin çarəsini düşünmək əvəzinə, o reallıqla necə hesablaşmaq, onu necə çözmək əvəzinə, gedib bilərəkdən o dairənin içindəki kiçik dairəyə qapanırlar. Azca silkələyəndə əsəbiləşirlər. Bəlkə əsbiləşməkdənsə belə suallar üstündə düşünməli. Ümid yeri ünvanını klassik partiyalardan güclü sivil topluma yönəltmək olarmı? Alternativ sərmayə imkanları yaratmaq dünyada alternativ maraqlar da yarada bilərmi? İndiki güclərin gələcəklə bağlı qorxularının hansı əbəsdir və bunu neytrallaşdırmaq olarmı. Gələcəkdən qorxanlara nəyi vəd eləmək olar, nəyi yox?..


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)