- Müxalifətin durumu normaldır. Onlar bir-biri ilə savaşa-savaşa güclənir. İstəsələr də, istəməsələr də müxalifətdə qalıb, burada da işləyəcəklər. Sadəcə olaraq hər dəfə cəmiyyətə pis mesajlar ötürürlər. Müsavat Partiyası son hadisələr fonunda daha çox cavabdehlik daşıyır. Amma tənqidlərə əhəmiyyət vermədən, güclənən partiya da elə Müsavat olacaq.

- Bəli, gözlənilən idi. Çünki bu qərarı verməzdən də qabaq Müsavatı suçlayırdılar, bizə tənqid və təhqir yağdırırdılar. Amma partiyamızın Milli Şuradan bu qədər tez çıxmasını, doğrudan da, gözləmirdim. Bu qurum prezident seçkilərindən öncə quruldu, partiyalar, ziyalılar birləşib seçkiyə bir yerdə getdilər. Seçkidən sonra ayrı yol seçilməli idi. Sözün düzü, Milli Şuranın bütün iclaslarında iştirak edə bilmirdim. Yəqin, Müsavat öz fikirlərini orada realizə edə bilmədiyi üçün ayrılıb öz yolu ilə getməyi üstün tutdu. Müsavatın bu qərarından incimək lazım deyil. Hər zaman koalisiyalar qurulur, dağılır. Sadəcə olaraq koalisiyadan normal çıxmaq lazım idi. Müsavat öz üstünlüyünü həm də bununla göstərdi ki, bizdən heç kəs AXCP-nin təhqirlərinə cavab vermədi.  

- Müsavat moratorium qoyaraq onların o boyda basqılarına cavab vermədi. Amma «Yeni Müsavat» qəzeti ilə «Azadlıq» qəzetinin savaşını qəbul etmirəm. 

- Bu, çox pis metodikadır. Mənə qarşı təhqirləri, hökumətlə işlədiyim barədə iddiaları indi Müsavata dedilər. Mən dedim ki, heç əhəmiyyət verməyin. İnsan günahkar olanda narahat olar. Arzu edərdim ki, Müsavatla AXCP birləşsin və bir partiya olsun. Ancaq AXCP-nin Müsavata qarşı Facebook-da təhqirlərinə baxın. Başa düşürəm ki, demokratik dövlətdə hamı istədiyini yazır, amma bir ideyaya xidmət edən, bir yolu gedən insanlar bir-birinə belə sözləri necə deyər? Biz belə təhqirlərlə bir çatı altında qala bilmərik. Bəli, mən hakimiyyətlə işləyirəm. Bu, işbirliyi deyil. Tək mən yox, İnsan Hüquqları Monitorinq qrupunda hər kəs hakimiyyətlə işləyir, işləyəcəyik də. Bu, nə deməkdir? Öz sözümü hakimiyyətə deyirəm, bildirirəm ki, bu, düz deyil, filan şeyi etmək lazımdır. Düzgün hərəkət edəndə deyirəm ki, bu, düzdür. Hakimiyyətlə işləmək, dialoq aparmaq lazımdır. Məhkəmələr barədə, polis şöbələrindəki haqsızlıqları, məhbusların narazılıqlarını hakimiyyətə deməyib, Avropa Şurasına deməliyəm? Avropa Şurası gəlib Binəqədi təcridxanasına baxacaq? Buna mənim hökumətim gedib baxmalıdır. Ona görə də hökumətlə birgə işləməliyik. Bu cür iftiralar bizi qorxutmur. Bu tənqidləri yaxınıma buraxmıram, nə qədər danışırlar, danışsınlar. Özüm bilirəm ki, kiməm.

- Əgər Milli Şuradakılar partiyalarda olmayan şeyi icad etsəydilər, istəyərdim ki, hamı bir yerdə qalsın və fəaliyyət göstərsin. Amma yolları ayrı yol idi. İstərdim ki, bir müddət bu məsələləri ortalığa çıxarmasınlar.

- Rüstəm İbrahimbəyova ziyalı kimi böyük hörmətim var. Amma Milli Şuranın qurucusu Eldar Namazov başda olmaqla, partiya rəhbərləri olub. Rüstəm İbrahimbəyovu da ortalığa çıxaran Eldar Namazov oldu. R.İbrahimbəyov qurucu o vaxt olardı ki, ayrıca insanları bir yerə yığıb tamam başqa qurum düzəldərdi. Milli Şuranın  qurucusu İsa Qəmbər, digər partiya sədrləri olmasaydı Rüstəm İbrahimbəyov belə koalisiya yarada bilərdimi? Absurd bir şeydir axı. Partiya liderləri istəməsəydi, o, Milli Şuranı yarada bilməzdi. İsa Qəmbər də onunla Tiflisdə gedib görüşdü, dedi ki, Bakıya gəl. Bilirsiniz, bu işə girən adam həbsdən, söyüşdən qorxmamalı, ürəkli olmalıdır. Əbülfəz Elçibəyi neçə dəfə həbs edib, məhkəməyə veriblər. Rüstəm İbrahimbəyov Azərbaycana gəlib Milli Şuranın başında durmalı idi. Şəxsən mən Milli Şuranın SİDSUH təşkilatı kimi qurum olacağını düşünmüşdüm. Yadınızdadırmı, o vaxt partiyalar birləşəndə 10 minlərlə insan mitinqə gəlirdi. Bütün partiyalar bir yerdə idi, millət də axırdı. Milli Şura elə bir qurum ola bilmədi. 

- Səbəbini axtarıb tapsınlar. Səbəbi nə idi bilmədik.

- İsa Qəmbər illərdir siyasətdədir. Danışıqlara getməyib, heç vaxt hökumətlə bağlı olmayıb. Əli Kərimlini mitinqdən aparmışdılar, həbs etdilər, ona görə kimin qapısına getmədik? Hökumətin qapısını döydük. Təbii ki, öz hakimiyyətimlə, öz insanlarımla işləyəcəyəm. Məhəl qoyulmazsa, beynəlxalq təşkilatdan köməklik istəmək olar. Rauf Arifoğlu ilə «Azadlıq» qəzetinin qarşıdurması mənə çatmır. «Azadlıq» və «Svoboda» qəzetləri çıxanda, hər ikisinin birinci nüsxəsi məndə olub. O nüsxələrə Əbülfəz Elçibəylə Nəcəf Nəcəfov qol çəkmişdilər. İstəməzdim ki, Nəcəf Nəcəfovun qəzeti belə durumda olsun. «Azadlıq» qəzeti Xalq Hərəkatının ən nüfuzlu qəzetlərindən biri idi. İndi dedi-qodu ilə məşğuldur. Ona suç atır, buna böhtan yağdırır. Olmaz axı belə şeylər. Nəcəf Nəcəfov kimi insanın adını biabırçılığa yönəltməyin.

- Hesab edirəm ki, Müsavatda yer dəyişikliyi deyil, struktur dəyişikliyi olmalıdır.

- Strukturu elə qurmaq lazımdır ki, İsa Qəmbər partiyadan kənarda yox, Müsavatın içində olsun. İcraçı direktormu, ya başqa vəzifədəmi olmalıdır. Hansı formada olursa-olsun, amma İsa bəy Müsavatda qalmalıdır. Bu fikrimdə də israrlıyam. İsa Qəmbərin yerinə Arif Hacılı, Qubad İbadoğlu, Vurğun Əyyub, Arzu Səmədbəyli, qadınlarımız var.

- Mən yox. Çünki bilirsiniz, qadınlarla bağlı cəmiyyətim var. İllərdir Dilarə Əliyeva adına Qadın Hüquqlarını Müdafiə Cəmiyyətinin sədriyəm.

- Cəmil Həsənliyə insan kimi, ziyalı kimi sərhədsiz hörmətim var. Onlar öz yolunu tapıb güclü struktur qursalar çox şad olaram.

- Güclənsinlər, amma bir-birlərinə çamur atmasınlar. İsa Qəmbərin partiyası gedib deyə, ona böhtan yağdırmasınlar. Qoy onlar güclü olsunlar, 5 partiya bir yerə yığışsın, bir də Müsavat olsun, görək kimin gücü çoxdur? Bunu göstərsinlər.

- Adətən, əfv bayramlarda olur. Əlbəttə, mart ayında, amnistiya və əfv gözləyirik.