İkinci Dünya müharibəsində nasist Almaniyasının məğlubiyyətinin 80-ci ildönümündə Kiyev küçələrində gəzən Ukrayna prezidenti Zelenski Rusiyaya mesaj verib.

Vladimir Zelenski paytaxtı gəzərkən videomüraciət paylaşıb.

Bu günün nasizm üzərində qələbə günü kimi qeyd olunduğunu qeyd edən Zelenski İkinci Dünya müharibəsində 8 milyondan çox ukraynalının həyatını itirdiyini bildirib.

Rusiyanın təxminən 3 il əvvəl Ukraynaya qarşı müharibəyə başladığını xatırladan Zelenski, “Təəssüf ki, 3 il əvvəl də eyni şey təkrarlandı. Elə o vaxt olduğu kimi, Kiyev səmasında hava hücumu həyəcan siqnalları səsləndi və şər yenidən torpaqlarımıza endi”, – deyib.

***

Müharibəyə baxmayaraq, Ukrayna xalqının ölkədə yaşamağa davam etdiyini və sülh üçün mübarizəni davam etdirdiyini vurğulayan Zelenski, “Hər birimiz sülhün bərqərar olmasını və sülhün hökm sürməsini istəyirik. Bunun üçün mübarizə aparırıq”, – deyib.

Bu mübarizə üçün nə lazım olduğunu bildiklərini ifadə edən Zelenski, “Ya Rusiya kökündən dəyişməli olacaq, ya da dünya”, – dedi.

***

Dünyanın 80 il əvvəl olduğu kimi bu gün də şərlə mübarizə aparmalı olduğunu deyən Zelenski, “Dünya Rusiyanın de-nazifikasiyası və tərksilah prosesini həyata keçirməli olacaq”, – deyib.

Zelenski mesajında ​​”Hər bir işğalçı nəhayət torpaqlarımızı tərk edəcək. Həyat həmişə geri qayıdır”, – deyib.