vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
GÜNDƏM  
23:33 | 20 oktyabr 2017 | Cümə Məqaləyə 2566 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Onlar hamısı rusca danışır»

Jirinovski: «Azərbaycan Rusiyanın tərkibinə daxil olmalıdır»

MÖVZU İLƏ ƏLAQƏLİ

Vladimir Jirinovski Qarabağ münaqişəsi üzrə yeni bəyanatla çıxış edərək, Azərbaycanla Ermənistana Rusiyanın tərkibinə daxil olmağı təklif edib.

«Bu məsələdə kənar hakim lazımdır – bu isə yalnız Moskva ola bilər, çünki onlar hamısı rusca danışır. Analoji münaqişələr Dnestryanıda, Abxaziyada və Cənubi Osetiyada da var. Bu dörd yer imperiya, yaxud SSRİ tərkibində olanda problem yox idi, elə ki ayrıldılar, problemlər peyda oldu. Biz əminik ki, SSRİ-nin sərhədləri könüllü, referendumlar yolu ilə bərpa edilməlidir, bütün keçmiş respublikalar Rusiyanın tərkibinə daxil olmalıdır, bax onda sülh olacaq, bütün yerli münaqişələr tənzimlənəcək, nəhəng dövlətin bütün xalqları sakit, sabahkı günündən qorxmadan yaşaya biləcəklər», - Rusiya Liberal-Demokrat Partiyasının lideri, Dövlət Dumasının deputatı deyib.

Xatırlatmaq yerinə düşər ki, dünən «Dəyişən dünyada inteqrasiya prosesləri» mövzulu panel müzakirələrində çıxış edərkən Jirinovski bildirmişdi ki, «Azərbaycanın Qarabağ problemi hələ uzun illər qalacaq».

«Azərbaycan və Ermənistan deyərkən biz anlamalıyıq ki, onların heç bir şeyin həll edilməsi mümkün olmayan ərazisi var. Mən Azərbaycanı salamlayıram. Lakin onların problemi hələ uzun illər qalacaq», - Jirinovski demişdi.

Bundan öncə isə Azərbaycanı Müstəqillik günü münasibətilə təbrik edərkən elə həmin Jirinovski «Moskva-Bakı» nəşrinə bunları söyləmişdi: «26 il ərzində dövlət çox şeyə nail olub. Azərbaycan Qafqazın ən uğurla inkişaf edən iqtisadiyyatlarından birinə çevrilib, ölkə rəhbərliyi həm şimal qonşusu olan Rusiya, həm də cənub qonşusu olan Türkiyə ilə gözəl münasibətlərdədir. Azərbaycan tam haqla özünü və öz maraqlarını müdafiə etməyə qabil güclü, müasir dövlətdir və mədəniyyətini, əcdadlarının adət-ənənələrini qoruyub saxlamaqla yanaşı, yeniliklərə açıqdır».