«Rusiyaya bağlı 200 illik şəbəkə var»
Orxan Qafarlı: «Bu şəbəkənin təmsilçiləri ədəbiyyatdan incəsənətə qədər özlərinə yer ediblər»
KƏNAN
MÖVZU İLƏ ƏLAQƏLİ
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
-
Baltikyanı ölkələrdə panika
“Zirzəmiləri sığınacaqlara çevirin”
-
Rusiya BMT sanksiyalarını pozub
Ukraynada Şimali Koreyaya məxsus raketin qalıqları tapılıb
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
Azərbaycanda «nurçu ovu» prosesi ən yüksək səviyyədə davam edir. Son 3 ayda bir sıra rəsmi şəxslər «nurçu» adı verilərək ifşa olunub, eyni zamanda nurçuluq cərəyanına mənsub sıravi insanlar da daxil olmaqla çoxlu sayda insan saxlanılıb.
Son günlər isə ölkə gündəmini yeni təhlükə xəbərdarlıqları zəbt edib. Bir sıra tanınmış ictimai-siyasi xadimlər, politoloqlar, cəmiyyət mühəndisləri Ukrayna ətrafında cərəyan edən hadisələr fonunda Azərbaycanda da rusiyapərəst qüvvələrin fəallaşdığı, obrazlı deyilsə, Rusiyanın Azərbaycandakı «beşinci kolon»unun fəaliyyətə keçdiyini iddia edir.
Bir neçə gün əvvəl sabiq dövlət müşaviri Vəfa Quluzadə «beşinci kolon» təhlükəsi barədə xəbərdarlıq edib. İki gün əvvəl deputat Vahid Əhmədov Milli Məclisdə çıxışı zamanı bu məsələyə toxunub, rusiyapərəst qüvvələrin fəallaşdığını bildirib. Sitat: «Ukrayna ətrafında baş verən proseslərdən ruhlanan bəzi qüvvələr tələskənliyə yol verdilər, bununla da həqiqi iç üzlərini ortaya qoydular.
Təəssüf ki, bu cür antiazərbaycan mövqe ortaya qoyanlar arasında Azərbaycana bağlı həm ölkə xaricində, həm də daxildə fəaliyyət göstərən insanlar da tapıldı. Bunlar o insanlardır ki, zamanında Azərbaycanın müstəqilliyinin əleyhinə olmalarına baxmayaraq, 23 illik müstəqillik dövründə ən çox bəhrələnən də onlar oldular». V.Əhmədov belə insanların Azərbaycan cəmiyyətinin müxtəlif sferalarında, hətta idarəetmə orqanlarında da olduğunu bildirib. Eyni zamanda nurçu təbliğatına da toxunub.
Qeyd edək ki, hazırda hakimiyyət səviyyəsində «nurçuluq» cərəyanına qarşı təbliğat aparılsa da, Rusiya emissarları ilə bağlı çağırışlar daha çox müstəqil dairələrdən gəlir. Azərbaycanda hər iki qrupun xeyli güclü olduğu məlumdur. Ancaq maraqlıdır ki, rəsmi dairələr rusiyapərəstlərlə bağlı o qədər də narahat görünmür. Əcəba, söhbət təhlükədən gedirsə, belə çıxır ki, nurçuluq Rusiyadan daha təhlükəlidir?
Türkiyənin «Bilgesam» Araşdırmalar Mərkəzinin Avrasiya üzrə eksperti Orxan Qafarlı deyir ki, bir qayda olaraq «beşinci kolon» bir dövlətin daxilində bir qrupun, o dövlətin maraqlarına zidd fəaliyyət göstərən və ya düşmənə xidmət etməsidir. Ekspertin fikrincə, indiki halda «beşinci kolon» ifadəsi Azərbaycana düşmən olan Ermənistana çalışan qruplara deyilə bilər. Ancaq eyni zamanda O.Qafarlı deyir ki, son zamanlar «beşinci kolon» ifadəsi post-sovet respublikalarında yeni anlamda qəbul olunur: «Məsələn, Rusiya və Belarusda «beşinci kolon» qərbpərəst, liberal və avromərkəzçiləri ifadə edir. Belarusda prezident Lukaşenko öz müxalifətini məhz «beşinci kolon» adlandırır. Eyni zamanda Rusiyada iqtidara yaxın jurnalist və siyasətçilər sistemdən kənar müxalifəti «beşinci kolon» adlandırır».
Azərbaycanda «beşinci kolon» ifadəsinin əsasən Rusiyaya bağlı qüvvələrə deyildiyini xatırladan O.Qafarlının fikrincə, Azərbaycanda Rusiyaya bağlı qrupların iki yüz illik bir şəbəkəsi mövcuddur: «Bu şəbəkə ictimai sektordan siyasi xadimlərə qədər uzanan bir şəbəkədir. Ədəbiyyatdan incəsənətə qədər özlərinə yer ediblər. Azərbaycanda hələ də rus dilinin bu qədər dəbdə olması məhz bu şəbəkənin gücünün göstəricisidir. Lakin bu qrup son illərdə Azərbaycan iqtisadiyyatında özlərinə yer edə bilməyib. Çünki Azərbaycan iqtisadiyyatının qapılara onların üzünə bağlı olub. Rusiyanın bu sahədə məhz yaxın gələcək üçün əsas planı Azərbaycan əsilli Rusiya biznesmenlərinin Azərbaycanda biznes qurmalarına yerləşməsinə yardımçı olmaqdır. «Milyarderler İttifaqı» və s. təşkilatlar bu planın bir hissəsi idi. Bu mənada Azərbaycanda çox güclü və böyük şəbəkələşmiş, Rusiyaya bağlı qrupların olduğunu deyə bilərik».
Nurçuluq və ya «hizmət hərəkatı»nın «beşinci kolon» qədər təhlükəli olmadığını deyən O.Qafarlıya görə, nurçuluq cərəyanı fərqli anlam daşıyır: «Fətullah Gülən camaatı «beşinci kolon»a bənzər bir təşkilatlanma deyil. Çünki bu təşkilatlanmanın ana məqsədi hər hansı bir dövləti başqa bir dövlətə birləşdirmək deyil. Gülən camaatının məktəblərini oxuyan şagirdlər və tələbələr türk yanlı gənclər olurlar. Bunun isə bizim milli maraqlarımıza zidd olduğunu düşünmürəm. Burda olan rahatsızlıq bu şəbəkənin öz inanclarını bütün millətə və dövlətə təlqin etməsi, biznesə nəzarət etməsi və öz aralarında bölüşdürməsidir. Bunun qarşısını almaq əlbəttə önəmlidir».