vaxtlı-vaxtında oxuyun! Şənbə, 23 oktyabr 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Əbülfəz Elçibəy (1938 - 2000)

«Demokratiya bəzi xalqlara mənəvi qidadırsa, bizim üçün dərmandır»

Əbülfəz Elçibəy (1938 - 2000)
MÜƏLLİF  
18:34 | 1 aprel 2015 | Çərşənbə Məqaləyə 2711 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Yazıçı-cinayətkar»

Çingiz Abdullayevi bu təsərrüfatdan elə-belə buraxmayacaqlar

Natiq MUXTARLI

MÖVZU İLƏ ƏLAQƏLİ

«Oturan kimi dedim ki, Olimpiya stadionunu verin «Neftçi»yə». Təkcə bu cümlədən Çingiz Abdullayevin futbolda nə qədər diletant və piyada olduğunu sezmək mümkündür.

Gəlin buraxaq ipini «Çingiz Abdullayevin futboldan başı çıxmır« söz-söhbətini. Guya Abdullayevi futbola «dürtüşdürən» Elxan Məmmədovun anlayışı var Azərbaycanda gözdən salınmış bu idman növündən? Guya Çingiz Abdullayevin bu təsərrüfata «dürtüşdürülməsinə» heç bir müqavimət göstərə bilməyən Rövnəq Abdullayevin başı çıxır futboldan? Ay tövbə... Hələ də kos-kos oyunu bilir futbolu. Hələ də «feyr-pley»lə «pley-off»un fərqini ayırd edə bilməyib.

Bir də ki, Çingiz Abdullayevin futboldan başı çıxsaydı nə olacaqdı? Siz elə bilirsiniz ki, futboldan başı çıxanlar bu təsərrüfata gəlsə, futbol olacaq Azərbaycanda? Kimdir onlara bu səlahiyyəti verən ki, ölkədə futbolu bərqərar etsinlər? Sadəlövh olmayın.

Amma Çingiz Abdullayevin futboldan başı çıxmasa da, futbol təsərrüfatına gəlişi yaxşı nə isə vəd edir Azərbaycana. Sizi əmin edirəm ki, Azərbaycan yaxın illərdə ədəbiyyat üzrə Nobel mükafatı ala bilər. Çingiz Abdullayevin indiyə qədər yazdığı detektiv əsərlərə «bir quş» deyin indidən. Məşhur yazıçı özünün ən yaxşı detektiv əsərini Azərbaycanın futbol təsərrüfatındakı motivlər əsasında yazacaq.

İddiamın nəyə əsaslandığını izah edim də... Polis mayoru olan bir dostum var. Bir müddət həbsxanada işləyib. Deyir ki, orda ən müxtəlif cinayətlər törətmiş ən müxtəlif xarakterli cinayətkarlar görmüşəm. Amma Azərbaycan futbolunda olan əclaflar, saxtakarlar, cinayətkarlar o həbsxanalarda yoxdur.

Çingiz Abdullayev özünün ən məşhur əsərini yazmamışdan əvvəl onu yaşamaq üçün gəlib Azərbaycan futboluna. O, burda günlər görəcək. O, burda üzlər görəcək. O, burda Azərbaycanın həbsxanalarında olmayan saxtakarlar, cinayətkarlar, dələduzlar görəcək. Və bundan sonra o möhtəşəm əsər yazılacaq. Azərbaycana Nobel mükafatı gətirəcək əsəri deyirəm. Ancaq arxayın olun ki, Çingiz Abdullayevi bu təsərrüfatdan elə-belə buraxmayacaqlar. Ona öyrədəcəklər. Futbolu yox ha, saxtakarlığı, dələduzluğu, cinayətkarlığı. Çingiz Abdullayev bu təsərrüfatı cinayətkar kimi tərk edəcək. Buna əmin olun. Yazıçı-cinayətkar. Romantik səslənir hə...

Hamısı Azərbaycana gətiriləcək Nobel mükafatına qurban olsun, Çingiz müəllim. Biz gözləyirik. Ən yaxşı əsərinizi və...


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)