vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
OLAY  
20:07 | 21 dekabr 2016 | Çərşənbə Məqaləyə 2743 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Türk diplomatın qızı intihar edib?

15 yaşlı Şəvval Ummuxanımın ölümü ilə bağlı müəmmalar

MÖVZU İLƏ ƏLAQƏLİ

Hüquq-mühafizə orqanları Türkiyənin Bakıdakı səfirliyinin müşaviri Aslan Azmi Günlərin 15 yaşlı qızının müəmmalı ölümü ilə bağlı bütün versiyaları araşdırır.

«Sputnik» agentliyinin Nəsimi polisindən əldə etdiyi məlumata əsasən qızın özünü yaşadıqları binada pəncərədən ataraq öldürməsi hələ təsdiqlənməyib. İstisna deyil ki, o, bədbəxt hadisə nəticəsində ölüb, yaxud hadisənin qəsd olduğu da istisna olunmur.

Xəbər verildiyi kimi 2001-ci il təvəllüdlü Şəvval Ummuxan Arslan qızı Günlər, özünü Sarabski küçəsindəki 16 saylı, 14 mərtəbəli evin 10-cu mərtəbəsinin pəncərəsindən atıb. Araşdırma zamanı məlum olub ki, qız Türkiyənin Azərbaycandakı səfirliyinin gömrük rejiminə cavabdeh müşaviri Arslan Əzmi Günlərin qızıdır. Bu intihar faktı ilə bağlı əvvəlcə başqa versiya səslənsə də, hüquq-mühafizə orqanlarının əməkdaşları qızın bədbəxt hadisənin qurbanı olduğunu düşünürlər.

Hadisə yerinə baxış keçirən hüquq mühafizəçiləri deyiblər: «Biz hadisənin baş verdiyi yerə — uşaq otağına baxış keçirdik. Qızın yıxıldığı pəncərə ilə döşəmə arasındakı məsafə çox qısadır və pəncərə şəhərin mərkəzi hissəsinə açılır. Ehtimal edilir ki, qız Bakı gecəsinin işıqlarına tamaşa etmək üçün pəncərədən bayıra baxırmış və bu vaxt müvazinətini saxlaya bilməyərək yerə düşüb. Həmin otağın döşəməsi sürüşkəndir, Şəvval Ummuxan isə həmin vaxt corabda olub».

Türkiyə vətəndaşının ailəsi qızı intellektual kimi xarakterizə edib. O, dərslərini yaxşı oxuyurmuş və valideynləri ilə çox isti münasibəti varmış. Buna görə də, valideynləri heç cür anlaya bilmirlər ki, yeniyetməni intihara nə vadar edə bilərdi. Hadisənin baş verdiyi yerdə qızın bu hərəkətini izah edə biləcək heç nə tapılmayıb.

 

***

 

14:40

Azərbaycanda intihar edən türk diplomatının qızının hansı liseyin şagirdi olduğu məlum olub.

APA-nın apardığı araşdırmalar nəticəsində 15 yaşlı Şəvval Günlərin Bakı Türk Anadolu Liseyinin tələbəsi olduğu müəyyənləşib. Liseyin direktoru Rəcəb Batur sayta açıqlamasında Şəvval Günlərin liseydə cəza aldığını təsdiqləyib: «Lakin biz düşünmürük ki, o, məktəbdə cəza aldığı üçün özünə qəsd edib. Ola bilər ki, ailəsində problemlər olub. Çünki Şəvval Günlər bu ayın 8-i cəza alıb, üstündən neçə gün keçib. Bu zaman sual yaranır, o niyə indi intihar etsin?» Direktor həmçinin qeyd edib ki, Şəvval Günlər yaxşı oxuyan şagird olmayıb: «Qiymətləri aşağı idi. Çox böyük çevrəsi olan şagird deyildi, sakit uşaq kimi xarakterizə olunurdu». Rəcəb Batur onu da qeyd edib ki, hazırda faktla bağlı başlanmış cinayət işi üzrə prokurorluq əməkdaşları liseyin müəllimlərinin ifadəsini alır.

Agentliyin əldə etdiyi digər məlumata görə, hadisə baş verən vaxt qızın anası evdə olub. Səsə otağa girən ana qızını tapmayıb. Pəncərədən baxanda isə onun yerdə cansız vəziyyətdə uzandığını görüb. Xatırladaq ki, qızın nəşi ötən gecə ölkəsinə yola salınıb.

 

***

 

10:08

Bakıda təhsil alan Türkiyə vətəndaşı, 15 yaşlı Günlər Şavval Ummuhan qızı intihar edib.

«Qafqazinfo»nun əldə etdiyi məlumata görə, hadisə Nəsimi rayonunda baş verib. Gənc qız liseydə 1 günlük cəzalandırılıb və buna görə valideynlərinin onu danlayacağından çəkindiyi üçün özünü 10-cu mərtəbədə yerləşən mənzillərindən ataraq intihar edib.

İntihar edən qızın atası Günlər Arslan Azmi Türkiyənin Azərbaycandakı səfirliyində işləyir. O səfirin gömrük işləri üzrə müşaviridir.