vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
MƏHKƏMƏ, İSTİNTAQ  
16:56 | 30 avqust 2017 | Çərşənbə Məqaləyə 3443 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Apellyasiya Mehman Əliyevi həbsdə saxladı

Məhkəmə iclası qapalı keçirilib

MÖVZU İLƏ ƏLAQƏLİ

Bakı Apellyasiya Məhkəməsi «Turan» İnformasiya Agentliyinin (İA) direktoru Mehman Əliyev barəsində seçilmiş həbs qətimkan qərarından apellyasiya şikayətini təmin etməyib. Yasamal rayon Məhkəməsinin çıxarmış olduğu qərar qüvvədə saxlanılıb. Məhkəmə iclası qapalı keçirilib.

Məhkəmə prosesi başa çatdıqdan sonra mediaya açıqlama verən Mehman Əliyevin vəkili Fariz Namazlı Avropa Məhkəməsinə müraciət ediləcəyini deyib və məhkəmənin bugünkü qərarını qanunsuz adlandırıb.

Vergilər Nazirliyi avqustun 8-də «Turan» İA-nın fəaliyyətinin səyyar vergi yoxlamasına başlayıb. Nazirlik iddia edir ki, agentlik vergidən yayınmalara yol verib. M.Əliyev ittihamları qəbul etmir.

Agentliyin bank hesabları dondurulub.

«Turan» İA-nın kollektivi bəyan edib ki, sentyabrın 1-dən fəaliyyətlərini qeyri-müəyyən vaxtadək dayandırmaq məcburiyyətindədirlər.

Avqustun 28-də «Turan» İA-nın əməkdaşları Vergilər Nazirliyinin Vergi Cinayətləri İdarəsinə çağırılıblar. Verilən məlumata görə, əməkdaşlar agentliyə qarşı qaldırılan cinayət işi ilə bağlı şahid qismində dindiriliblər.

Axşam saatlarında isə Vergi Cinayətləri İdarəsinin əməkdaşları agentliyin redaksiyasına gəlib. Onlara «Turan» İA-nın son bir neçə illik maliyyə sənədləri təqdim edilib.