Azərbaycanda Prezident Administrasiyası rəhbərinin müavini və dövlət müşaviri vəzifələri ləğv edilib. «Trend» bildirir ki, Milli Məclisin çərşənbə axşamı keçirilən plenar iclasında «Dövlət xidməti haqqında» qanunun 11-ci maddəsinə (inzibati və köməkçi vəzifələrin təsnifatı) dəyişlkliklər müzakirəyə çıxarılıb.

Dəyişikliyə əsasən, Azərbaycanın dövlət müşaviri vəzifəsi təsnifatdan çıxarılıb. Yuxarıda göstərilən maddədən, həmçinin, inzibati vəzifələrin birinci kateqoriyası (Azərbaycan Prezidenti Administrasiyası başçısı müavininin vəzifəsi) çıxarılıb.

Dəyişikliklərdən sonra təsnifatlarda bu vəzifələr əksini tapıb: Azərbaycan Prezidenti Administrasiyasının rəhbəri, Azərbaycanın birinci vitse-prezidentinin fəaliyyətini təmin edən struktur bölmənin rəhbəri, Milli Məclis Aparatının rəhbəri, Konstitusiya Məhkəməsi Aparatının rəhbəri, Azərbaycan dövlət başçısının səlahiyyətlərini icra edən orqanın Aparat rəhbəri, Azərbaycan dövlət başçısının fəaliyyətini bilavasitə təmin edən başqa orqanların rəhbərləri, Ali Məhkəmə Aparatının rəhbəri.

Səsvermədən sonra layihə qəbul edilib.

Virtualaz.org xatırladır ki, Prezident Administrasiyasının yenidən strukturlaşdırılmasından sonra Prezident Administrasiyasının başçısı Ramiz Mehdiyevin müavinləri Azərbaycan Prezidentinin köməkçiləri təyin edilmişdilər. Hərçənd ki, Prezidentin bəzi köməkçiləri, Prezident Aparatının əvvəlki strukturuna uyğun olaraq, paralel şəkildə Administrasiya rəhbərinin müavini vəzifələrini tuturdular.

Qeyd edək ki, administrasiyada idarəetmənin, məcazi mənada Amerika üsulu adlandırılan oxşar modeli, prezident üsul-idarəsinin mövcud olduğu bir çox inkişaf etmiş ölkələrdə tətbiq olunur.