vaxtlı-vaxtında oxuyun! Bazar, 20 oktyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
MEDİA-QHT  
15:50 | 15 fevral 2019 | Cümə Məqaləyə 433 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Jurnalistlərin Ermənistana səfəri müsbət haldır”

Mətbuat Şurasının sədri müzakirələrə son qoydu

MÖVZU İLƏ ƏLAQƏLİ

Son günlər yerli mətbuatda jurnalistlərin Ermənistana səfər etməsi mövzusu geniş müzakirələrə səbəb olub. Mövzunun aktuallaşmasına səbəb “Turan” İnformasiya Agentliyinin redaktoru Şahin Hacıyevin Ermənistana səfər etməsi və burada bəzi siyasətçilərdən müsahibələr alması olub. Belə ki, bu səfər ictimai xadimlər və media işçiləri tərəfindən heç də birmənalı qarşılanmayıb.

Məsələylə bağlı Mətbuat Şurasının sədri, Millət Vəkili Əflatun Amaşov Eurasia Diary-ə ekskluziv açıqlamalar verib.

Ə. Amaşov qeyd edib ki, artıq 30 ildir Dağlıq Qarabağ münaqişəsi davam edir. Biz əlbəttə ki, bu münaqişədə haqlı tərəfik və bu haqlı mövqeyimizi dünyaya çatdırmağa çalışırıq. 20% torpaqlarımız hələ də işğal altındadır və bir dövlət, cəmiyyət olaraq əsas məqsədimiz vətənimiz Azərbaycanın ərazi bütövlüyünü təmin etməkdir. Bu məqsədi reallaşdırmaq üçün hazırda bütün sahələrdə fəal iş aparılır. İstər siyasi, istər hərbi, istərsə də iqtisadi müstəvidə. Eyni zamanda da jurnalistika sahəsində görülən və görüləcək işlər sözügedən məqsədimizi reallaşdırmaq üçün həyati əhəmiyyətə malikdir. Nəzərə almaq lazımdır ki, müharibə bu gün yalnız cəbhədə deyil, eyni zamanda informasiya sahəsində gedir. Ona görə də belə hesab edirəm ki, jurnalistlərimizin bu sahədə Qarabağ və Ermənistana səfərlər etməsi, buradakı vətəndaşlar və siyasətçilərlə görüşməsi müsbət haldır və zəruridir.

Ə. Amaşov həmçinin bildirib ki, Ermənistan ictimaiyyəti Azərbaycanın bu münaqişədə haqlı tərəf olmasından, Xocalı və Qaradağ soyqırımlarındən, azərbaycanlılara qarşı törədilən cinayətkar əməllərdən, eyni zamanda bu gün inkişaf edən və hər sahədə öz gücü ilə Ermənistanı üstələyən Azərbaycan barədə məlumatlı olmalıdırlar.

Ə. Amaşov erməni jurnalistlərin də Azərbaycana gəlməsini müsbət qiymətləndirərək sözlərinə belə davam edib: “Erməni jurnalistlərin də Azərbaycana gəlməsi fikrimcə, müsbət qarşılanmalıdır. Onların Azərbaycanın regionlarındakı, Bakıdakı inkişafı gözləriylə görüb bu məlumatları erməni ictimaiyyətinə çatdırması bizim Qarabağ məsələsində gördüyümüz işlərə öz töhfəsini verəcək. 2018-ci ilin noyabr ayında mən İrəvanda oldum. İrəvandakı sosial-iqtisadi geriliyi və vətəndaş məmnuniyyətsizliyini öz gözlərimlə gördüm. Təsəvvür edin ki, şəhərdə hər sahədə gerilik nəzərə çarpacaq şəkildə müşayiət olunurdu. Mən bunları gördükdən sonra öz dövlətimlə qürur duydum və münaqişədə gec-tez qalib olacağımıza bir daha əmin oldum. İndi isə düşünək ki, bir erməni jurnalist İrəvandan Bakıya gəlir. O mənim keçirdiyim hislərin tam əksini keçirəcək. Öz dövlətinin geriliyi və gücsüzlüyüylə bir daha üzləşəcək və bunu erməni xalqına çatdıracaq”.

Sonda müsahibimiz qeyd etdi ki, mətbuatın əsas vəzifəsi məlumatı düzgün və obyektiv şəkildə ictimaiyyətə çatdırmaqdır. Biz Azərbaycan-Ermənistan Dağlıq Qarabağ problemində haqlı tərəfik. Ona görə də erməni xalqının da bizim haqlı mövqeyimizi başa düşməsini təmin etməliyik.

Nicat İSMAYILOV


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *