vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
ELM-TƏHSİL, DİN  
09:32 | 20 fevral 2014 | Cümə axşamı Məqaləyə 2784 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Şeyxə 200 minlik ittiham

QMİ sədri küveytli iş adamı Saleh Aşurun qapadılmış cəmiyyətinin bərpası üçün rüşvət aldığı, ancaq işi yerinə yetirmədiyi iddia olunur

KƏNAN

MÖVZU İLƏ ƏLAQƏLİ

Mətbuata Qafqaz Müsəlmanları İdarəsinin sədri Hacı Allahşükür Paşazadə barədə ifşaedici məlumatların ötürülməsi davam edir. Bu dəfə QMİ sədrinin küveytli şiə iş adamı Saleh Aşurla əlaqələri barədə iddialar yayılıb. Redaksiyamıza göndərilən məktubda qeyd olunur ki, Şeyxülislam Bakıda bir dini mərkəzin bərpası üçün küveytli iş adamından pul alıb, ancaq sonradan mərkəzin bərpa olunmasını təmin etməyib.

«Yeni Müsavat» qəzetinin yazdığına görə, 1997-ci ildə Azərbaycanda Saleh Aşurun maliyyə dəstəyi ilə «Əhli Beyt» cəmiyyəti təsis olunub. Ancaq «Əhli Beyt» cəmiyyətinin Yasamal rayonunda yerləşən ofisi 1998-ci ilə Milli Təhlükəsizlik Nazirliyi tərəfindən qapadılıb. Məlumatda qeyd olunur ki, cəmiyyətin açılması üçün S.Aşur QMİ sədrinə pul verib: «Allahşükür Paşazadənin Küveyt səfərində Saleh Aşur ondan cəmiyyətin yenidən fəaliyyətə başlaması üçün yardım etməsini xahiş etdi. Allahşükür Paşazadə cəmiyyətin açılması üçün 200 min dollar lazım olduğunu bildirib. Və bu pulun hamısını dövlət məmurlarına vermək adı ilə alıb. Amma nə cəmiyyət açılıb, nə də 200 min dollar qaytarılıb».

Məktub müəllifi yazır ki, Saleh Aşur indiyə kimi Küveytdə şiələrin həftəlik toplandığı «Divaniyə» adlı məclisdə Allahşükür Paşazadənin onun aldatması və 200 min dollar mənimsəməsini dilə gətirir. Məlumatda daha sonra qeyd olunur ki, Saleh Aşurun Azərbaycanda «Əhli Beyt» cəmiyyətini təsis etməkdə əsas məqsəd Gürcüstan və Dağıstanın Dərbənd şəhərində şiə təbliğatını gücləndirmək idi: «Amma Saleh Aşur bilmirdi ki, Rusiya nəinki vəhhabilərin, həmçinin ərəb şiələrinin də Qafqaza girməsinə razı olmayacaq».

Qeyd edək ki, son həftələrdə QMİ sədri, eləcə də digər ruhanilərə bağlı redaksiyamıza çoxlu sayda məlumatlar ötürülür. Ancaq bunların bir çoxunda (bu həm də məlumatların müxtəlif mənbələrdən gəldiyini göstərir - K) həqiqət yükü az olduğu üçün qəzetdə dərc etmək uyğun görünmür. Ancaq bəzi məlumatlarda ciddi faktlar olduğunu nəzərə alaraq, onları ictimailəşdirməyə qərar veririk. İndi təqdim etdiyimiz məlumatdakı bir sıra nüanslar həqiqəti əks etdirir. Belə ki, araşdırmamız nəticəsində öyrəndik ki, Bakıda həqiqətən də 90-cı illərdə «Əhli Beyt» adlı cəmiyyət olub. Bu cəmiyyət əsas dini maarifçi fəaliyyət göstərib, hətta cəmiyyətin nəzdində Hüseyniyyə və mədrəsə də olub. Ancaq cəmiyyət bir müddətdən sonra qapadılıb. Eyni zamanda məlumatda adı keçən Saleh Aşurun Küveytin şiə icmasının nüfuzlu şəxslərindən olduğu, Küveyt parlamentinin üzvü olduğu haqda bilgilər var. Saleh Aşur Azərbaycana tez-tez səfərlər edib və yerli rəsmilərlə yaxın münasibətlərə malik olub. Eyni zamanda onun Hacı Allahşükür Paşazadə ilə dostluq münasibətlərinin olduğu haqda da bilgilər var. S.Aşur dəfələrlə Bakıda olarkən şeyxin qonağı olub. Ancaq onunla şeyxülislam arasında pul «haqq-hesabının» olması yeni iddiadır və təbii ki, bu günə qədər ictimailəşməyib. 

Şeyxülislamın da fikirlərinə yer verməyə hazırıq.