Neft İxrac Edən Ölkələr Təşkilatının (OPEC) gündəlik xam neft hasilatı noyabr ayında əvvəlki ay ilə müqayisədə gündəlik 11 min barrel azalaraq 32 milyon 970 min barrelə düşüb.

OPEC-in noyabr ayının göstəricilərinə dair neft bazarı hesabatına görə, keçən ay qlobal neft təklifi oktyabr ayı ilə müqayisədə gündəlik 500 min barrel artaraq 100 milyon 640 min barel olub.

Noyabrda OPEC-ə üzv olmayan ölkələrdə neft hasilatı gündəlik 440 min barel artımla təxminən 67 milyon 670 min barrelə qalxıb.

OPEC-in xam neft istehsalı isə keçən ay əvvəlki ay ilə müqayisədə gündəlik 11 min barrel azalaraq 32 milyon 970 min barel olub. Beləliklə, OPEC-in noyabrda ümumi qlobal neft hasilatı içindəki payı əvvəlki aya nisbətən 0,2 faiz azalaraq 32,8 faiz səviyyəsinə enib.

Keçən ay OPEC daxilində gündəlik xam neft hasilatını ən çox artıran ölkələr Səudiyyə Ərəbistanı, Birləşmiş Ərəb Əmirlikləri və Küveyt olub. Səudiyyə Ərəbistanında gündəlik hasilat 377 min barel artımla 11 milyon 16 min barelə yüksəlib. Birləşmiş Ərəb Əmirliklərində gündəlik xam neft hasilatı 71 min barrel artaraq 3 milyon 246 min barelə, Küveytdə gündəlik hasilat 45 min barrel artaraq 2 milyon 809 min barrelə çıxıb.

Noyabrda gündəlik neft istehsalında OPEC daxilində ən böyük azalma İran, Venesuela və Nigeriyada baş verib. İranda gündəlik hasilat 380 min barrel azalaraq 2 milyon 954 min barrelə enib.

Venesuelada gündəlik neft hasilatı 52 min barrel geriləyərək 1 milyon 137 min barelə, Nigeriyada isə 30 min barel azalaraq 1 milyon 736 min barrelə enib.

OPEC-in proqnozuna görə, gələn il qlobal neft tələbi 2018-ci illə müqayisədə 1 milyon 290 min barel artımla sutkada 100 milyon 80 min barelə çatacaq.