ABŞ Əmək Departamenti aprel-iyun dövrü üçün qeyri-kənd təsərrüfatı əmək məhsuldarlığı və vahid əmək xərclərinə dair yekun məlumatları açıqlayıb.

Müvafiq olaraq, ölkədə qeyri-kənd təsərrüfatı əmək məhsuldarlığı bu ilin ikinci rübündə əvvəlki rüblə müqayisədə 2,5 faiz artıb. Sözügedən məlumatlarla bağlı bazar gözləntisi yüzdə 2,3 artım idi.

Qeyri-kənd təsərrüfatında əmək məhsuldarlığı ilin birinci rübündə 0,4 faiz artıb. Cari ilin ikinci rübündə əvvəlki rüblə müqayisədə istehsal 3,5 faiz, iş saatı isə 0,1 faiz artıb.

Aprel-iyun aylarında qeyri-kənd təsərrüfatında əmək məhsuldarlığı illik bazda 2,7 faiz artıb.

ABŞ Federal Ehtiyat Sisteminin (FED) izlədiyi inflyasiya göstəricilərindən biri olan vahid əmək haqqı aprel-iyun dövründə bir əvvəlki rüb görə 0,4 faiz artıb.

Bu dövrdə yüzdə 0,9 artması gözlənilən vahid əmək xərclərində, ilin birinci rübündə yüzdə 3,8 artım olub.

Vahid əmək dəyəri ikinci rübdə illik 0,3 faizlə 2013-cü ilin dördüncü rübündən bəri ən aşağı artımını qeyd edib.