vaxtlı-vaxtında oxuyun! Bazar ertəsi, 6 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
AVROPA  
21:03 | 2 dekabr 2022 | Cümə Məqaləyə 370 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Moskvaya növbəti zərbə

Rusiya neftinə maksimum qiymət müəyyən edildi

XALİDƏ

MÖVZU İLƏ ƏLAQƏLİ

Avropa İttifaqı (Aİ) ölkələri Rusiyadan dəniz yolu ilə daşınan neftə bir barelinə 60 dollar maksimum qiymət tətbiq etməyə razılaşıb. Aİ-nin müvəqqəti prezidenti Çexiyanın rəsmi sosial media hesabında paylaşılan yazıda üzv dövlətlərin nümayəndələrinin Rusiya neftinin maksimum qiyməti ilə bağlı razılığa gəldiyi bildirilib.

Qərarın Aİ-nin rəsmi nəşrində dərcindən sonra qüvvəyə minəcəyinə diqqət çəkib. Böyük yeddilik və Aİ ölkələri Rusiya neftinə maksimum qiymət tətbiq etmək üçün danışıqlar aparırdılar.

Böyük yeddilik ötən həftə Rusiyadan dəniz yolu ilə daşınan neftin bir barelinin maksimum qiymətini 65-70 dollar arasında müəyyən etməyi təklif edib.

AB daxilində, xüsusilə Polşa, Litva və Estoniya adıçəkilən qiymətləri daha aşağı səviyyələrdə müəyyən etməyə çalışırdılar və yekdillik lazımi qərarın qəbul edilməsinə mane oldu.

Rusiya neftinin nəqlində mühüm rol oynayan və əhəmiyyətli gəlir təmin edən Yunanıstan, Malta və Cənubi Kipr maksimum qiymətin daha yüksək səviyyədə təyin olunmasını istəyib.

Aİ Komissiyası isə üzv dövlətlər arasında danışıqlarda konsensusa nail olmaq üçün Rusiyadan dəniz yolu ilə daşınan neftin bir bareli üçün tavan qiymətinin 60 dollar olması təklifini irəli sürmüşdü.

Bundan əlavə, Rusiya neftinin bu qiymətə əlavə olaraq yeni qiymət məhdudlaşdırma mexanizmi yaradılacaq. Bu mexanizm Rusiya neftinin dünya bazar qiymətlərindən 5 faiz aşağı saxlanılmasını təmin edəcək.

Rusiya neftinə tətbiq edilən maksimum qiymətə hər 2 aydan bir yenidən baxılacaq.

Maksimum qiymət tətbiqinin Aİ-nin Rusiyadan dəniz yolu ilə xam neft tədarükünü kəsmək qərarının qüvvəyə mindiyi dekabrın 5-də qüvvəyə minməsi gözlənilir.

Rusiya dünya neft hasilatının təxminən 10 faizini istehsal edir.

Digər tərəfdən, Rusiya rəsmiləri maksimum qiymət tətbiqinə qatılan ölkələrə neft satmayacaqlarını açıqlayıb.