İsraildən Suriyaya misli görünməmiş zərbələr
“Hizbullah”ın və İran qüvvələrinin obyektləri - bazaları, silah anbarları dağıdılıb, HHM batareyası və radar məhv edilib, çoxsaylı tələfat var
MÖVZU İLƏ ƏLAQƏLİ
-
Suriyanın cənubunda üsyan
Əsədə qarşı ayağa qalxan xalq qubernatorun binasını yandırıb
-
PKK əl çəkir, ABŞ yox ...
Patrul əməliyyatları bərpa edildi
-
“Neft və taxıl daşıyırlar”
Çin ABŞ qaçaqmalçılıqda günahlandırır
-
Moskva Ankaraya qarşı ...
Rusiya terror təşkilatlarına dəstək göndərdi
-
Məzlumun yalvarışları ...
“Türk tanklarının Suriya girməsi son döyüşümüz olacaq”
-
Türkiyə “Ərəb baharı”na son qoyur
Tarixi barışıq ola bilər
-
İsrail aviasiyası Suriyanı vurdu
Növbəti hücum zamanı 4 əsgər həlak olub
-
Təhlükəsiz bölgə israrı
Hava hücumundan sonra quru əməliyyatları gözlənilir
-
İranın Suriyadakı bazasına növbəti zərbə
“Apaçi”lər 3 avtomobili və xeyli sayda yaraqlını məhv edib
-
Ermənistan vətəndaşlığı şərtləri sərtləşdirirlir
Ən çox müraciət Yaxın Şərq, Suriya, Livan və İordaniyadan olur
-
Ukrayna Suriya ilə münasibətləri kəsdi
Bəşər Əsədin Luqansk və Donetski separatçılarını tanıdığı üçün
-
Suriyada yüksək çinli kəşfiyyatçı öldürüldü
Məhəmməd Helvə İranla əlaqəli olub
-
İran və Rusiya arasında gərginlik
Moskvanın Dəməşq hava limanını İsrailin hücumundan müdafiə etməməsi Tehranı pərt edib
-
Muzdlu “idxalı”
Rusiya Ukraynadakı itkilərini Suriyadan və Liviyadan daşınan silahlılarla qapatmaq istəyir
-
Türkiyə Rusiya təyyarələri üçün hava məkanını bağlayıb
Hələlik Suriyaya uçanlar üçün ...
-
“Şəxsən mən ölməyə gedirəm”
Suriyalı muzdlular nəyə görə həyatlarını riskə atmağa hazırdırlar?
İsrail dünən gündüz və yanvarın 21-nə keçən gecə səhərə yaxın növbəti dəfə Suriyadakı hədəfləri bombalayıb. İsrail aviasiyası Suriyaya misli görünməmiş miqyasda raket zərbələr endirib. Və ilk dəfə olaraq İsrail ordu komandanlığı bu əməliyyat barədə rəsmi məlumatla çıxış edib.
İsrail ordu komandanlığı hava zərbələrinin Suriya ərazisindən İsrail ərazilərinə “yer-yer” tipli raketin buraxılmasına cavab olaraq endirildiyini bildirir.
Hava zərbələrinin hədəfi İranın İnqilab Keşikçiləri Korpusunun “Qüds” (Sepahe Qods) briqadasının obyektləri - silah anbarları, təlim düşərgəsi, İran kəşfiyyatına aid qərargah vurulub. Suriya Hava Hücumundan Müdafiə qüvvələrinə də zərbə endirilib - HHM batareyası məhv edilib. Bundan başqa İsrail ordusu Rusiya istehsalı olan “Pantsir” qurğusuna endirilən dəqiq zərbənin videosunu yayıb.
Rusiya Müdafiə Nazirliyi əməliyyat nəticəsində Şam hava limanındakı “infrastruktur”un zədələndiyini və 4 Suriya əsgərinin öldüyünü etiraf edib.
İsrail hərbçiləri bildirir ki, Suriya hava hücumundan müdafiə vasitələri İsrail təyyarələrinə onlarla raket buraxıblar, buna cavab olaraq Suriya HHM qüvvələrinin batareyası məhv edilib.
“İranın İsrail ərazisinə dünənki hücumu bu ölkənin Suriyadakı hərbi iştirakının arxasında hansı məqsədin dayandığını bir daha təsdiq edir. Suriya rejimi onun ərazisində baş verənlərə görə məsuliyyət daşıyır və o, İsrail əleyhinə hərəkətlərə yol verməməlidir. İsrail müdafiə ordusu istənilən ssenariyə hazırdır və İsrail vətəndaşlarının təhlükəsizliyi üçün zərurət yaranarsa bundan sonra da hərəkət edəcək”, -açıqlamada bildirilir.
İsrail ordusunun mətbuat xidməti hava zərbələrinə dair görüntülər də yayıb. Bu kadrlara əsasən Suriyanın hava hücumundan müdafiə batareyası İsrail təyyarələrinə tərəf iki raket buraxır, amma raketlər hədəfə dəymir və cavab zərbəsi ilə batareya məhv edilir.
Lakin Suriya rejimi və Rusiya rəsmi KİV-ləri növbəti dəfə əmin edirlər ki, İsrail təyyarələrindən buraxılan raketlərin “böyük əksəriyyəti” havada məhv edilib.
Suriyalı bloqqerlər isə İranın və “Hizbullah”ın obyektlərində böyük dağıntılar və tələfat barədə xəbərlər yayırlar. Bildirilir ki, Dəməşq aeroportu rayonunda, habelə Əl-Kisua və Cəmahiriyyə rayonlarında güclü dağıntılar var.
Londonda mənzillənmiş Suriya insan haqları monitorinq qrupu isə bildirir ki, yanvarın 21-də gecə İsrail aviasiyası hərbi münaqişə tarixi ərzində Dəməşq ətrafındakı obyektlərə ən irimiqyaslı və misli görünməmiş zərbələr endirib. Nəticədə İrana aid obyektlər, o cümlədən Suriya hava hücumundan müdafiə qüvvələrinin mərkəzləşdirilmiş sisteminin radarı məhv edilib. İsrail raketlərinin əksəriyyəti hədəfə dəyib, silah anbarları, “Hizbullah”ın və İran qüvvələrinin bazaları dağıdılıb. Çoxsaylı tələfat var.
Qeyd edək ki, İsrail bundan əvvəl də dəfələrlə Suriya ərazisinə hava zərbələri endirimişdi. Buna cavab olaraq ötən il oktyabrın əvvəlində Rusiya Suriyaya “S-300” zenit-raket kompleksləri göndərmişdi. Bildirilirdi ki, bundan sonra İsrail Suriyada heç bir hədəfi vura bilməz. Göründüyü kimi, hər hansı dəyişiklik yoxdur.