vaxtlı-vaxtında oxuyun! Çərşənbə axşamı, 25 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
REGİON  
17:05 | 30 noyabr 2022 | Çərşənbə Məqaləyə 784 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Məzlumun yalvarışları ...

“Türk tanklarının Suriya girməsi son döyüşümüz olacaq”

XALİDƏ

MÖVZU İLƏ ƏLAQƏLİ

Türkiyənin Suriya və İraqın şimalında terrorçulara bomba atmağa başlamasından 10 gün keçir. Pəncə-Qılınc adlı əməliyyatda döyüş təyyarələri ilə yanaşı pilotsuz uçuş aparatları da havaya qalxıb. Türkiyə ordusunun YPG və PKK terrorçularını hədəfə alması bölgədə hərbi kontingenti olan ABŞ və Rusiyanın ardıcıl açıqlamalar verməsinə səbəb olub.

Suriyadakı Rusiya qüvvələrinin komandanı Aleksandr Çayko YPG-nin terrorçu lideri Məzlum Abdi ilə Hasekedə gizli görüşü olub. Terrorçubaşı rus komandirlə Türkiyənin mümkün quru əməliyyatını müzakirə edib. Ərəb mətbuatında əksini tapan xəbərlərdə Çayko mümkün bir əməliyyatı dayandırmaq üçün Suriya ordusu birliklərinin Türkiyə sərhədinə yerləşdirilməsini bir daha gündəmə gətirib. Suriya qoşunlarının yerləşdiriləcəyi xətt Türkiyə sərhədinin 30 kilometrliyində ola bilər.

Terrorçubaşı Moskvanı quru əməliyyatının qarşısını almağa çağırıb. Məzlum görkəm alan Məzlum türk tanklarının Suriyanın şimalına girməsini onların varlığı uğrunda “son döyüş” kimi qiymətləndirib.

YPG-li Suriya əsgərlərinin Türkiyə sərhədinə yerləşdirilməsini də dəstəklədiklərini ifadə edərək, 2019-cu ildə də oxşar addımın atıldığını xatırladaraq, “Suriya əsgərlərinin artırılması ilə bağlı problemimiz yoxdur”, – deyib.

Suriya mətbuatında əksini tapan xəbərlərdə Vladimir Putinin Suriya üzrə xüsusi nümayəndəsi Aleksandr Lavrentyevin Türkiyəni ittiham edən sözləri işlədib. Ankaranın İdlibdə üzərinə götürdüyü öhdəlikləri yerinə yetirmədiyini deyən Lavrentiyev Suriyanın yenidən qurulmasında Rusiyadan başqa müttəfiqi Çinin də iştirak edə biləcəyini bildirib.