Dünən günorta saatlarından Göygöl rayonunun Hacıkənd ərazisində fəaliyyət göstərən istirahət mərkəzlərinə verilən elektrik enerjisi söndürülüb. Rayonun Aşıqlı kəndi ilə Toğanalı kəndi arasında olan ərazidə fəaliyyət göstərən bütün istirahət müəssisələri iflic olub.

Bu barədə Modern.az saytına Göygöldən məlumat verilib. Bu gün 40-dan artıq sahibkar məsələ ilə bağlı Göygöl Elektrik Şəbəkəsində olublar. İdarədən şikayətçilərə bildiriblər ki, məsələ onlarla bağlı deyil. Eyni zamanda yaxın zamanlarda həmin obyektlərə elektrik enerjisinin veriləcəyinə söz verilməyib. Sahibkarlar məsələ ilə bağlı yuxarı instansiyalara müraciət edəcəklərini bildiriblər.