15:55 | 5 noyabr 2013 | Çərşənbə axşamı
Məqaləyə 1720 dəfə baxılıb
Şriftin ölçüsü
TQDK-dan sürpriz yenilik
2014-cü il qəbul imtahanları may ayında keçirilə bilər, amma ...
Kəmalə MƏMMƏDOVA, anspress.com
MÖVZU İLƏ ƏLAQƏLİ
-
Rusiya da müəllimlərini qiymətləndirəcək
Azərbaycanın uğurlu layihəsi qonşu ölkələrin də diqqətini çəkib
-
Testin ləğvi kimə sərf edir?
DİM rəhbərliyi Təhsil Nazirliyini və kurikulumu bəhanə edərək müstəqilliyin ən uğurlu nailiyyətini sıradan çıxarmaq istəyir
-
Tələbə qəbulunda testi qoruyaq
Nə baş verdi ki, DİM tələbə qəbulunda illərin sınağından çıxmış sistemdən imtina etməyə hazırlaşır?
-
Planı hələlik, 85 faiz dolub
Sabahdan boş qalan yerlərə ixtisas seçimi aparılacaq
-
Sabah imtahandır
V qrup 26709 abituriyent üzrə biliyini sınayacaq
-
II mərhələyə 9522 nəfər buraxılıb
Magistatra imtahanı iyunun 4-də keçiriləcək
-
880 nəfər imtahana gəlməyib
Sınaq imtahanlarının nəticələri açıqlandı
-
Savadı sərrast olanlar
Qəbul imtahanlarında 700 bal toplayan abituriyentləri siz də tanıyın
-
3 gündə 6 min müəllim imtahan verəcək
22 min nəfər 10 gün ərzində artıq özünü sınayıb
-
3 abituriyentdən maksimum nəticə
Qəbul imtahanının nəticələri açıqlandı
-
«Tak, tak, tak»
Abituriyent: «Nəzarətçi qısa yubka geymişdi, cəmi 200 bal toplaya bildim»
-
Azərbaycanın ən yaxşı məktəbləri
«Abituriyent» jurnalı siyahını açıqladı
-
İmtahanların vaxtı açıqlanıb
Azərbaycanda ali məktəblərə sənəd qəbulu başladı
-
Ali məktəblərə qəbul qaydaları dəyişdi
Abituriyent eyni tədris ilində keçirilən bir neçə qəbul imtahanında iştirak edə bilər
-
Məleykə Abbaszadə də tariflərdən danışdı
«... Hüquqi məsələlərin həlli istiqamətində işlər aparılır»
-
Deputatdan etiraz
«Testi ləğv etmək neqativ hallara yol açmaqdır»
Tələbə Qəbulu üzrə Dövlət Komissiyası qəbul imtahanlarının vaxtında edilən dəyişikliklərlə bağlı məlumat yayıb. TQDK-dan ANS PRESS-ə verilən məlumata görə, dəyişikliklər qəbul imtahanlarının məzmununa aid deyil. Belə ki, gələn (2014-cü) il həyata keçiriləcək qəbul kampaniyası zamanı əvvəlki illərin məzunları üçün qəbul imtahanlarının may ayında keçirilməsi nəzərdə tutulur.
Həmin ilin məzunları isə, yəni orta məktəbi 2014-cü ildə bitirənlər qəbul imtahanlarını həmişəki kimi iyul ayında verəcəklər. Ali təhsil müəssisələrini 2014-cü ildə bitirib ikinci ali təhsil almaq istəyən məzunlar, həmçinin həmin ildə orta ixtisas təhsil müəssisələrini bitirib ali təhsil almaq istəyən məzunlar da qəbul imtahanlarını iyul ayında verəcəklər.
Həm əvvəlki illərin, həm də orta məktəblərin 2014-cü il məzunları üçün ixtisas seçimi və müsabiqə eyni vaxtda – ali təhsil müəssisələrinə bütün qəbul imtahanları başa çatdıqdan sonra keçiriləcək.
Digər nəzərdə tutulan yenilik 9 illik təhsil bazası üzrə buraxılış imtahanlarının nəticələri əsasında orta ixtisas təhsili müəssisələrinə (kolleclərə) yerləşdirmənin aparılmasıdır. Yəni bu imtahan 9-cu sinfi bitirən şagirdlərə şəhadətnamələrin verilməsi üçün əsas olmaqla yanaşı, həmin şagirdlər arasından kolleclərə qəbul olmaq istəyənlər üçün qəbul imtahanı rolu oynayacaq. Beləliklə, 2014-cü ildə 9 illik təhsil bazası üzrə kolleclərə həmin ilin məzunları üçün ayrıca qəbul imtahanı keçirilməyəcək.
Orta ixtisas təhsil müəssisələrinə 9 illik təhsil bazasında ayrıca imtahan yalnız əvvəlki illərin məzunları üçün həyata keçiriləcək.
