23:30 | 13 avqust 2013 | Çərşənbə axşamı
Məqaləyə 3748 dəfə baxılıb
Şriftin ölçüsü
«Mənim kitabımı da atın ora»
Şərif AĞ
MÖVZU İLƏ ƏLAQƏLİ
-
ABŞ-da qızıl medal
Əsərləri 4 dilə tərcümə edilən yazıçı mükafat qazandı
-
Şəhərə yeni kitab gəlib
Gələcək Elmlə Gələcək!
-
Mütaliə rəqabəti...
... Yaxud “Mənim adım Zorbadır”
-
“Aara məni basınca...”
“LİBRAFF” Nigar Köçərlinin ittihamlarına cavab verib
-
«Atəş və qəzəb: Trampın Ağ Evində»
ABŞ prezidentini rüsvay edən kitabda nələr yazılıb?
-
«Heykəl tənhalığı»
Salam Sarvanın yeni kitabı işıq üzü gördü
-
Daha bəsdirin...
... Yazmayln belə dərsliklər
-
... Çörək və kitab
Ölkədə iki şey ucuz olmalıdır ...
-
Şagirdlər nə oxusun?
Yay tətili dövründə şagirdlərin mütaliəsinin təşkili ciddi problem olaraq qalır
-
Erotik «xalq nağılları» ...
... yaxud uşaqlarımız nə oxuyur?
-
40 yaş sindromu
Gənc deyilsən artıq...
-
«Beyin axını və Azərbaycan: elmi-sosioloji təhlil»
Gənc alimin yeni kitabı bu cür adlanır
-
«Nəşriyyat işi haqqında» qanunda dəyişiklik
Prezidentdən daha bir sərəncam
-
Cəmiyyətimizin kitab problemi
Tirajı 1000-ə çatmayan nəşrlərin qiyməti «zilə» çıxır
-
«Kitab qiymətləri əl yandırır»
Azərbaycanda tələblər hansı imtiyazları istəyir?
-
Dünya ədəbiyyatının beş şedevri
«Tərcümə Mərkəzinin Kitabları» seriyasından yeni kitablar işıq üzü görəcək
Heç gözləməzdim: “Əli və Nino”dan dedilər ki, yerimiz yoxdur, kitab götürə bilmərik. Amma özümü itirmədim. Dedim, bilsəm bu kitabı buraxmazdım! O kitab ki, şəhərin ən tanınmış və ən çox şəbəkəyə malik mağazasında olmayacaq, ona bir quş!
Nigar Köçərli ilə əlaqə saxlamalı oldum (müəllifləri tanıyan odur, ona görə) və “Xanım T.”-dən “Əli və Nino” üçün 10 nüsxə verdim.
Sonra o biri mağazalarda reyd elədim. Axı həm də bir neçə il öncə satışa verdiyim “Aftafalı Antrakt” hekayələr kitabının haqq-hesabı dururdu.
Yubatmadan sevindirici xəbərimi söyləyim: hekayələr kitabım demək olar ki, satılıb. Tiraj az olsa da (500) bu xəbər doğrudan sevindirici idi mənimçün. Nəzərə alsaq ki, kitabdakı hekayələrin hamısı yayımlanıb və kitab bütöv e-kitabxanalarda yerləşdirilib, pis göstərici deyil. Hələ hədiyyə etdiklərimdən söz açmıram...
Son dövrlər kitab çapında baş verən proqress mağazalara “baha oturub”. Rəflərdə və anbarlarda yer yoxdur. O üzdən əlikitablı adam görəndə üz-gözünü qırışdırır mağaza işçiləri. Məsələn, Nizami muzeyinin altındakı mağazanın görəvlisi mənə elə baxdı ki, guya kitab yazmamışam da, pis bir iş tutmuşam.
“Sentyabracan kitab götürmürük!” – üzümə baxmadan dedi.
“Bəs bu kitablar nədir?” – yayda buraxılan tanış kitabları göstərdim.
“Görürsən ki, rəfə qoyulmayıb!” – bu dəfə üzümə baxdı.
“Mənim kitabımı da atın bunların yanına...” – gülümsündüm.
Razılaşdı nədənsə...
Kitabı problemsiz qəbul edən mağazalar Əlyazmalar İnstitutunun zirzəmisindəki “Akademkitab”, həmən üzbəüzdəki “Bukinist” və “Yeraltı” kitab mağazası oldu.
“Qız qalası”nın yanındakı kitab mağazasını işlədən köhnə dostum Elman dayı isə məni xoş-beşlə qarşıladı. Bir az yubansam çay da ikram edəcəkdi. Əvvəlki kitabım yaxşı satılmışdı deyə mənim də kefim açıldı. Bunun bir siqaretpulu tərəfi də var axı...
Prezident Administrasiyasının İşlər şöbəsinə məxsus olan “Akademiya” kitab mərkəzində, kassada oturan uzunboğaz kişi nəzakətlə bildirdi ki, işçilər məzuniyyətdədir və avqustun 15-dən sonra gələcəklər.
Kitab Klubunu Səadət Sarayı ilə üzbəüz zirzəmidən köçürüblər. Klub Təzəpir Məscidinin arxasındakı balaca ofisinə pənah aparıb. Həm yerin naqolaylığı, həm də adındakı klub sözü Kitab Klubunun işini xeyli çətinləşdirib. Hələ də çox adam bilmir ki, Kitab Klubu həm abunə, həm nağd yolla kitab satışını həyata keçirir. Hətta elə kitablar var ki, yalnız Kitab Klubunda əldə etmək mümkündür.
Elmlər Akademiyası metrosunun çıxışı ilə üzbəüz zirzəmilərdə yerləşən iki dəftərxana və ofis ləvazimatları mağazası kitab da satmağa başlayıb. Tələbələri nəzərə alsaq çox əlverişli yerdir.
Təbii, kitab oxumaq istəsələr...
