«10 günə Rusiya çökəcək, Putin devriləcək»
Vəfa Quluzadə: «O, başa düşür ki, oyunun axırı iflasdır, amma məcbur olub buna gedir»
Ruslan XƏLİL
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
Politoloq Vəfa Quluzadə Rusiya-Ukrayna münasibətləri fonunda regionda və beynəlxalq aləmdə yaşanan gərginlik, bunun nəticələri, həmçinin proseslərin Azərbaycana təsirilə bağlı Teleqraf.com-un suallarını cavablandırıb.
- Ukraynada baş verən hakimiyyət dəyişikliyi Rusiyanın bu ölkəyə müdaxiləsi ilə nəticələndi. İki ölkə arasında müharibə ehtimalı varmı?
- Rusiya Ukraynaya kobud müdaxilə etməklə Qərbi, NATO-nu nüvə müharibəsi həddinə çatdırmaq istəyir. Rusiya dünyanı hədələyir. İstəyir ki, Qərb Rusiyanın Krım üzərindəki hegemonluğuna göz yumsun, Ukraynanın daxili işlərinə qarışmasın. Qərbin elan etdiyi boykot, iqtisadi sanksiyalar Rusiyanı çökdürür. Rusiya bir gündə 76 milyard dollar itirib. Rusiyanın bütün aktivlərinin, o cümlədən rublun məzənnəsi düşüb. Belə getsə, Rusiya 10 günə iflas olacaq. Ölkə iqtisadiyyatı çökəcək, iqtidar da məcbur olub istefaya gedəcək. İnanmıram ki, Rusiyanın əsgəri heyəti bütün bunları öncədən bilməsin. Əsas məqsədləri odur ki, Qərb qıcıqlansın. Rusiya deyir ki, embarqoları aradan qaldırın, yoxsa nüvə müharibəsinə başlayacam. Putin hesab edir ki, Qərb olduqca komfort içindədir, cah-cəlal içərisində yaşayır, ona görə də Rusiyanın nüvə müharibəsi şantajının qarşısında geri çəkiləcək. Putinin hazırda əsas strategiyası budur. Çünki bütün sanksiyalar Rusiyanı çökdürür. 10 günə qədər bu məsələlər həllini tapmasa, hesab edin ki, Rusiya dövləti çökəcək, Putin devriləcək. Düşünürəm ki, Putin əvvəlcədən istefa verməli idi. Ölkənin güc strukturları ona təzyiq göstərməməsi üçün o, postundan getməli idi. Putin başa düşür ki, oyunun axırı iflasdır, amma məcbur olub buna gedir.
- Krımı nəzarətdə saxlayan Rusiya burada nəyə nail olmaq istəyir?
- Rusiyanın Krıma müdaxiləsi tamamilə qanunsuzdur. Krım heç vaxt rusların vətəni olmayıb. Ora Krım tatarlarının vətənidir. Krım və orada yaşayanlar Ukraynaya məxsusdur. Ona görə də Putinin apardığı oyun məntiqdən, ağıldan və hər şeydən kənardır. Dünyanı nüvə müharibəsi ilə qorxudur. Başqa bir məqsəd yoxdur.
- Qeyd olunur ki, Rusiya müharibəyə başlayan kimi Azərbaycan da Dağlıq Qarabağın azad olunması üçün hərəkətə keçməlidir. Bu mənada Rusiya ətrafında baş verənlərin Azərbaycana təsiri nə dərəcədə real görünür?
- Qlobal mənada baş verənlərin bütün ölkələrə, o cümlədən, Azərbaycana təsirləri var. Qərblə qarşıdurma nəticəsində Rusiya çökəndən sonra hesab edin ki, Qarabağ məsələsi öz həllini tapıb. Bu tezliklə baş verəcək. Rusiyanın qələbəsinə isə mən inanmıram. Şəxsən mən Rusiyanın qələbə çalmaq imkanlarını görmürəm. Ötən əsrin 30-cu illərində Qərb Hitlerin cilovunu buraxdı, İkinci Dünya Müharibəsi başladı. Bu gün Putinin qələbəsinə şərait yaradılsa, sabah Rusiya Qərbə, Amerikaya qarşı müharibəyə başlayacaq.
- Almaniya kansleri Angela Merkel hesab edir ki, Putin özünü başqa dünyada yaşayan insan kimi aparır...
- Merkel düz deyir, Putin reallıq hissini itirib. Rusiyanın hərbi güclərinin təhriki ilə Putin şantaj yolunu tutub. Putin açıq şəkildə Üçüncü Dünya Müharibəsinə hazırlaşır. Və Qərbdən soruşur ki, onlar atom müharibəsinə hazırdılarsa, buyursunlar, bu meydan, bu da şeytan!
- Rusiyaya qarşı sanksiyalar hansı həddə qədər genişlənə bilər?
- Sanksiyalar genişdir. Nə vaxta qədər Rusiya özünü sivil dünyanın bir hissəsi saymayacaq, özünü adam kimi aparmayacaq, dünyanı təhdid edəcək, bu sanksiyalar genişlənəcək. Ağ Ev hərbi əməkdaşlığı dayandırıb, ticarət əlaqələrinə yenidən baxır. Avropa İttifaqı Rusiya ilə əlaqələri yenidən saf-çürük edəcək. Qərbin sanksiyaları Rusiyanın çökməsi deməkdir. Rusiyanın bu təzyiqlərə bir cavabı ola bilər. Müharibə!
- Ukrayna ərazi bütövlüyünü qorumaq üçün silaha əl atacaqmı?
- Putin istəyir ki, Ukrayna silaha əl atıb, rus əsgərlərini ölkədən qovsun və bununla da müharibə başlasın. Rusiya Avropanın sərhədində vətəndaş qanı tökmək istəyir. Amma Putinin və müdafiə naziri Sergey Şoyqunun təxribat cəhdləri boşa çıxacaq. Ukrayna xalqı təxribata getməyəcək. Ukrayna hakimiyyəti Krımda, Xarkovda Moskvanın əlilə idarə olunan qruplaşmaları qısa müddətdə yerində oturda bilər, amma qarşı tərəfə qırğın üçün şərait yaratmaq istəmir. Rusiyanın təxribat niyyətlərindən Qərb məlumatlıdır. Ona görə də Putinin ağlasığmaz hərəkətlərinə yumşaq reaksiya verirlər.