«Mona Liza»nı 14 illik həbs gözləyir
Şərbət Gula saxta sənəd daşımaqda təqsirləndirlir
MÖVZU İLƏ ƏLAQƏLİ
-
Məsciddə terror
İŞİD hücuma görə məsuliyyəti üzərinə götürüb
-
Taliban “Facebook”a qadağan edib
“Twitter”də isə mavi rəng ödənişli xidmətindən istifadə edir
-
“Müharibəyə hazır olun”
Hikmətyar tərəfdaşlarına çağırış etdi; Əfqanıstan yenidən qarışır
-
Mədən faciəsi davam edir
Pakistanda 4 gündə iki partlayış baş verib
-
Orduya güvən 50 faizin altında
ABŞ ictimaiyyəti Əfqanıstandan çıxmanı inamsızlığın ən böyük səbəbi sayır
-
... Moskva və Pekin ehtiyat edir
Əfqanıstan niyə Şanxay Əməkdaşlıq Təşkilatına üzv ola bilmir?...
-
Atəşkəs bitdi!
Pakistan Talibanı hücum əmri verdi
-
Oğurlanmış 192 artefakt qaytarılıb
4500 ildən artıq yaşı olan abidələrin dəyəri 3,4 milyon dollar olub
-
27 ölkədə 27,7 milyon uşaq ...
UNİCEF: “İqlim böhranının ən çox azyaşlılar zərər çəkir”
-
Bayden Pakistanı niyə hədəf götürüb?
Vaşinqtonun yanlışlıqları İslamabadı məcbur edir
-
Devrilmiş baş naziri qalib gəldi
İmran Xan seçkiləri özünün populyarlığına dair “referendum” adlandırıb
-
160 nəfərinin məhkəməsiz öldürülüb
BMT Talibanı qadın hüquqlarını pozmaqda ittiham edir
-
Əfqanıstanda növbəti zəlzələ
Azı 31 nəfər yaralanıb
-
Pakistanın yüksək rütbəli hərbçisi qətlə yetirilib
Terrorun məsuliyyətini Bəlucistan Azadlıq Ordusu üzərinə götürüb
-
Əfqan qaçqınlar İrandan çıxarılır
Dünya mediası ölkə həkimlərinin miqrantların insan orqanları oğurluğunda ittiham edir
-
Taliban İŞİD-çiləri axtarır
Əfqanıstanda terrorçulara qoşulmaqda şübhəli bilinən onlarla insan məhkəməsiz qətlə yetirilib
Əfqan «Mona Liza»sı kimi tanınan, ya da qaçqın Şərq qadınının üzü hesab olunan Şərbət Gulanı (Sharbat Gula) bu günlərdə şərti azadlığa buraxacaqlar. «Al-Jazeera», BBC, «CBSnews» və başqa aparıcı nəşrlərin məlumatına görə, Şərbət Gula azad olunsa da, onu 5 min dollara qədər cərimə və 14 illik həbs cəzası gözləyir. Gula Pakistanda saxta sənədlərlə yaşamaqda günahlandırılır.
Pakistanın Federal Araşdırma Agentliyi Gula və onun əriylə bağlı iki ildir tədqiqat aparıldığını bildirib.
«İttihamı ləğv edə bilmərik»
Şərbət Gulanı məşhurlaşdıran Stiv Makkari (Steve McCurry) adlı tanınmış fotoqrafın çəkdiyi şəkil olub. Pakistanda qaçqın düşərgəsində işləyərkən fotoqrafı gənc əfqan qızın yaşıl gözləri cəlb edib. 1985-ci ildə şəkli «National Geographic» jurnalının üz qabığında nəşr olunandan sonra Şərbət bütün dünyanı «fəth edib». Onun fotosunu insan mübarizəsini təcəssüm etdirən əsər kimi müxtəlif beynəlxalq təşkilatların nəşrlərində, plakatlarda və təqvimlərdə dəfələrlə çap ediblər.
18 ildən sonra fotoqraf bu qadını yenidən, bu dəfə Əfqanıstanın Tora-Bora dağlarında tapıb. Amma növbəti foto müharibə və mübarizələrdən əziyyət çəkmiş, vaxtından əvvəl qocalmış adi qadını əks etdirib. İndi isə hamı kimi, fotoqraf Stiv Makkari də Gulanın xəbərini Pakistan həbsxanalarından alıb.
Pakistanın daxili İşlər naziri Çaudri Nisar Əli Xan (Chaudhry Nisar Ali Khan) deyib ki, qadın olduğundan polis Gulanın işinə humanitar aspektdən baxmalıdır. Amma nazir dünyaca məşhur bu qaçqının üzərindəki ittihamı götürə bilməyəcəklərini vurğulayıb: «Biz ittihamı ləğv etsək, onu deportasiya etsək, yaxud Pakistandan çıxmasından ötrü ona müvəqqəti viza versək, ona bu saxta sənədləri vermiş rəsmilərə qarşı araşdırmadan imtina etmiş olarıq. Baş verənlərin əsl səbəbkarı həmin məmurlardır və onların məsuliyyətdən yayınmasına imkan verə bilmərik».
Vətəninə dönmək istəyirmiş
İndi Şərbət Gulaya saxta sənəd verməkdə şübhəli bilinən rəsmiləri axtarırlar. Şərbət Gulanın yaxınlarının dediyinə görə, o, son illər Əfqanıstana – vətəninə qayıtmaq istəyirmiş, amma ata yurdu olan kəndin İŞİD-in əlində olduğunu öyrənib. 2 oğlu və əri ilə əfqan qaçqınların məskunlaşdığı «Nasir Bagh» düşərgəsində yaşayırmış.
Fotoqraf Makkari Şərbət Gulanın məşhur fotosunu «Instagram» səhifəsində yerləşdirərək, ona və ailəsinə hüquqi və maddi yardım üçün əlindən gələni etməyə hazır olduğunu yazıb.
Şərbət Gula Sovet İttifaqı ordusunun Əfqanıstana müdaxiləsindən sonra ölkəni tərk edərək, digər milyonlarla həmvətəni kimi, Pakistanda sığınacaq tapmışdı. İndi Pakistan hökuməti ölkədə saxta sənədlərlə qalan qaçqınları sıxışdırır, əfqan qaçqınlarına isə vətənlərinə qayıtmaqdan ötrü 2017-ci ilin martına kimi vaxt verib.