vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
GÜNDƏM  
19:09 | 8 mart 2017 | Çərşənbə Məqaləyə 2238 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İrəvanın isterikası

Rusiya teleaparıcısı: «Ermənistan səfiri Polad Bülbüloğluna açıq-aşkar uduzur»

MÖVZU İLƏ ƏLAQƏLİ

Ermənistanın Rusiyadakı səfiri Oleq Yesayan, hansı ki, 9 martda öz postunu tərk edəcək, Rusiya televiziya aparıcısı Vladimir Solovyovun sözlərinə olduqca ağrılı reaksiya verib.

Virtualaz.org xatırladır ki, teleaparıcı İrəvandakı mətbuat konfransında, erməni səfirinin Azərbaycanın Rusiyadakı səfiri Polad Bülbüloğluna açıq-aşkar uduzduğunu bildirib.

V.Solovyov Azərbaycan səfirini parlaq şəxsiyyət adlandırıb və erməni diplomatiyasını fəaliyyətsizlikdə ittiham edib.

«Ermənistanın Rusiyadakı səfiri kimdir? Kimdir o? Siz onu tanıyırsınız? Azərbaycanın Rusiyadakı səfiri kimdir? Polad Bülbüloğlu. Parlaq şəxsiyyət... Əlbəttə, Rusiya prezidenti ilə sizin prezidentinizin münasibətlərinin aydın və çox yaxşı sistemi var. Başqa cür Qarabağda vəziyyət həll edilməzdi», - deyə jurnalist bildirib.

O.Yesayan bu sözlərə görə Solovyovun ünvanına kəskin tənqidlər səsləndirib. O bildirib ki, təxminən bir il televiziya aparıcısı tərəfindən onun ünvanına məqsədyönlü monoloqa məhəl qoymayıb, amma daha dözmək niyyətində deyil.

«Bəlkə də bu son iş günündə, hansı ki, mən Rusiya Federasiyasının Xarici İşlər Nazirliyinə vidalaşma görüşünə gedirəm, susmaq daha yaxşı olardı və mən istəməzdim ki, Ermənistanın Rusiya Federasiyasındakı səfiri kimi mənim yeddiillik fəaliyyətimin son şərhi məhz bu fikirlərlə yadda qalsın. Ancaq mən məcburam, çünki cənab Solovyov özünün bizim ictimaiyyəti həyəcanlandıran çoxdankı nöqteyi-nəzərini yenidən, özü də İrəvanda səsləndirib.

Hər şeydən əvvəl, Solovyovun məni tanıyıb-tanımaması haqda. Əgər bu sözlərin ənənəvi mənasına əsaslanacağıqsa, onda o açıq-aydın yalan danışır. Əgər bu sözlərin məzmununun onun tərəfindən necə başa düşülməsinə nəzər yetirməli olsaq, onda o müəllif birmənalı haqlıdır. Bu mənada o məni tanımır və tanıya da bilməz...», - deyə tert.am O.Yesayandan sitat gətirir.

Sonra Yesayan sual verir: görəsən, Solovyov Bakıda bu cür çıxış etməyə və Azərbaycan diplomatlarını tənqid etməyə cürət edərdi?

Daha bir maraqlı məqam. Bu gün erməni KİV-i məlumat yayıb ki, Oleq Yesayanı Vardan Toqanyan əvəz edəcək, hansı ki, adı offşordakı şirkətlər və şəxslər haqda informasiyalardan danışan «Panama dosyesi»ndə xatırlanır. Bildirilir ki, Vardan Toqanyan 2014-cü ildə brilyantların cilalanması ilə məşğul olan «Şoqakn» şirkətinin səhmdarı olub.