vaxtlı-vaxtında oxuyun! Çərşənbə axşamı, 23 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
GÜNDƏM  
02:42 | 1 dekabr 2022 | Cümə axşamı Məqaləyə 965 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Film”in sonu...

Fransa bizim üçün tam şəkildə itirildi

Bəybala MİRZƏYEV

MÖVZU İLƏ ƏLAQƏLİ

Vəssalam, biz bundan sonra Fransa liderindən, fransalı parlamentarilərdən bir daha heç vaxt ədalət, insanlıq gözləməməliyik. Çünki bu gün Fransa parlamentinin aşağı palatası sonuncu ümidlərimizi də öldürdü.

Fransa parlamentinin yuxarı palatasının – Senatın ardınca, aşağı palata – Milli Assambleya da Azərbaycana qarşı təxribat xarakterli qətnamə qəbul etdi.

Assambleyanın 256 deputatı qətnamənin lehinə səs verdi. 

Maraqlıdır ki, qətnamənin əleyhinə heç olmasa, bircə nəfər də səs verən olmadı. Əvvəlki qətnamələrin qəbulu zamanı Milli Assambleyanın deputatı Jerom Lambert bir qayda olaraq bu qətnamələrin əleyhinə səs verir, Azərbaycanın mövqeyini müdafiə edirdi. Ancaq bu dəfə isə heç Lambertdən də səs-səmir yoxdur. 

Təxribatçı qətnamədə isə eynilə Senatın iki həftə öncə qəbul etdiyi qətnamədəki kimi Azərbaycana qarşı sanksiyaların tətbiqi nəzərdə tutulub və yenə də Azərbaycan “işğalçı” kimi təqdim olunub. 

Bütün bunlar onu göstərir ki, artıq Fransa bizim üçün tam şəkildə itirilmiş bir ölkədir. 

Soydaşlarımızın srağa gün Parisdə, Milli Assambleyanın binası önündə keçirdiyi etiraz aksiyasının da heç bir faydası olmadı. Fransanın siyasi elitası erməniləri dəstəkləmək siyasətindən əl çəkənə oxşamır. 

Senatın və Assambleyanın deputatları özlərini tamamilə Makronun siyasətinə uyğunlaşdıraraq haqqa, ədalətə tüpürmək mövqeyini tutublar. 

Odur ki, biz də bundan sonra Fransanı zor-xoş dost ölkəyə çevirmək siyasətindən əl çəkməliyik. Özümüzü aldatmamalıyıq. Fransa son hərəkətləri ilə öz adını birmənalı olaraq bizə düşmən olan ölkələrin siyahısına yazdırdı. Biz də öz siyasətimizə buna uyğun olaraq çəki-düzən verməliyik. 

Beləliklə, biz bütün maskaların yırtıldığı bir fransız “filmi”nin sonuna gəldik.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)