VAXT.AZ dahi fransız yazıçısı Viktor Hüqonun (1802–1885) aforizmlərini təqdim edir

“Tanrı, insanın pələngi tumarlaya bilməsi üçün pişiyi yaratdı”.

***

“Mənim üçün dostun sancaq yarası, düşmənin qılınc yarasından daha ağrılıdır”.

***

“Rəylərinizi dəyişin, prinsipləriniz qalsın. Yarpaqlar dəyişir, amma gövdə qalır”.

***

“Böyük ağıl qarşısında baş əyir, böyük ürək qarşısında diz çökürəm”.

***

“Bəzi kitabxana sahibləri hərəmxana xacələri kimidir”.

***

“Yuxusuzluq – gecənin insanı məsxərəyə qoymasıdır”.

***

“Ağıl aldıqlarına, ürək isə verdiklərinə görə zənginləşir”.

***

“Məktəbin qapısını açan, türmənin qapısını bağlayır”.

***

“Düzgün hərəkətə gedən yol düzgün düşüncədən başlayır”.

***

“Əməllərimiz bizi göyə də qaldıra bilər, yerə də endirə bilər. Hamımız əməllərimizin övladıyıq”.

***

“İnsanın böyüklüyü boyla ölçülmədiyi kimi, xalqın böyüklüyü də sayla ölçülmür”.

***

“Həmişə bir-birinizi bütün ürəyinizlə sevin. Dünyada sevgidən başqa heç nə yoxdur”.

***

“Əgər hansısa bir insan məhəbbətin nə olduğunun izahını bilirsə, deməli, o, heç kimi sevməyib”.

***

“Azadlıq istehzadan başlayır”.

***

“Bekarçılıq – uşaqlar üçün xoşbəxtlik, qocalar üçün bədbəxtlikdir”.

***

“Zəif güclü insan yoxdur, zəif iradəli insan var”.

***

“Kvazimodo və kor qız ideal cütlükdür. Kvazimodo heç vaxt ona xəyanət etməyəcək, qız da onun eybəcərliyini görməyəcək”.

***

“Hərdən qadına ağalıq etmək hüququ qazanmaq üçün gərək həmişə ona itaət edəsən”.

***

“Həyat – sevginin balı ilə qidalanan çiçəkdir”.

***

“İnsan şüuru hər şeyi aça bilən üç açara malikdir: bilik, düşüncə və təxəyyül”.

***

“Sükut – insan faciəsinin bütün dərinliklərini sınamış ruhun son sığınacağıdır”.

***

“Büsbütün xoşbəxtlik üçün təkcə ona malik olmaq yox, həm də bu xoşbəxtliyi qazanmaq lazımdır”.

***

“Daxili gözəlliklə vəhdətdə olmayan zahiri gözəllik tam deyil”.

***

“Mərhəmətli olmaq çətin deyil, çətini ədalətli olmaqdır”.

***

“Göz yaşları həmişə nələrisə yuyub silir və ardınca toxtaqlıq gətirir”.

***

“Həyatımız yol, ideyalarımız yolgöstərəndir. Yol göstərən yoxdursa, hər şey donub dayanacaq”.

***

“Ən gözəl illər hələ yaşamadığımız illərdir”.

***

“Tanrı qadını füsunkar, iblis isə gözəgəlimli edir”.

***

“Düşüncəyə bəzək verib yaddaqalan edən gözəl ifadələrdir”.

***

“Ruhun qalasını qorumaq üçün bədənin qalasına dayaq verməlisən”.

***

“Düşüncə – ağlın zəhməti, arzu –həzzidir. Düşüncəni arzuyla əvəz etmək qidanı zəhərlə qarışdırmaq kimi bir şeydir”.

***

“Böyük şairlər uca dağlar kimi əks-səda verir. Onların nəğmələri bütün dillərdə eşidilir”.

***

“Ləyaqətin pərdəsi, ləyaqətsizliyin maskası olur”.

***

“Yoxsulluq inqilaba, inqilab yoxsulluğa aparır”.

***

“Mənim üçün gücün kimin tərəfində olması yox, ədalətin kimin tərəfində olması mühümdür”.

***

“Qırx yaş – cavanlığın qocalığı, əlli yaş – qocalığın cavanlığıdır”.

***

“Avropalılar arasında istənilən müharibə vətəndaş müharibəsidir”.

***

“Mənəviyyat – həqiqətin çiçəklənməsidir”