VAXT.AZ Amerikanın görkəmli dövlət xadimi, alim, yazıçı, filosof, jurnalist, musiqiçi, ixtiraçı Benjamin Franklinin (1706–1790) aforizmlərini təqdim edir.

“Düşmənə borc versən özünə dost, dosta borc versən özünə düşmən qazanacaqsan”.

***

“Suyun qiymətini quyu quruyanda bilirik”.

***

“Təcrübə – təhsil haqqı ən yüksək olan məktəbdir”.

***

“Ac ölkələrdə qanuna hörmət olmur. Qanuna hörmət etməyən ölkələr isə həmişə acdır”.

***

“Tamahkarlıq və xoşbəxtlik heç vaxt rastlaşmadığından onların bir-birini tanımamasında qeyri-adi heç nə yoxdur”.

***

“Həyatından razı qalmaq üçün mütləq özünü səndən pis vəziyyətdə olanlarla müqayisə et”.

***

“Borc verənin yaddaşı borc alandan daha yaxşı olur”.

***

“Tez yatıb, tez durmaq sağlamlıq, zənginlik və müdriklik deməkdir”.

***

“Bir köç üç yanğına bərabərdir”.

***

“Öz ayaqları üstdə dayanan kəndli, diz üstdə dayanan mülkədardan daha hörmətlidir”.

***

“Həyatını uzatmaq istəyirsənsə, yeyib-içməyini azalt”.

***

“Təmkinini qoruya bilən insan hər işə qadirdir”.

***

“Özünü xırda xərclərdən qoru. Gözə görünməyən balaca bir deşik böyük bir gəmini batıra bilər”.

***

“Dələduzlar dürüstlüyün bütün üstünlüklərindən hali olsaydılar, öz xeyirləri naminə düzələrdilər”.

***

“Səni bezdirən qonaqdan canını qurtarmaq istəyirsənsə, ona borca pul ver”.

***

“Pivə – Tanrının bizi sevdiyinə və xoşbəxt görmək istədiyinə daha bir sübutdur”.

***

“Tənbəllik ləng hərəkət etdiyindən kasıblıq onu tez yaxalayır”.

***

“Varlı olmaq istəyirsinizsə, təkcə qazanmağı yox, həm də qənaətcilliyi bacarmalısınız”.

***

“Dincəlməyi bacaran adam şəhərlər fəth edən adamdan daha üstündür”.

***

“Aşiqlər, səyyahlar və şairlər eşidilmək üçün pullarından keçməyə də hazırdırlar”.

***

“İsrafçı adam gec-tez ən vacib olanlarını da satacaq”.

***

“Hamı ağlından yox, yaddaşından şikayətlənir”.

***

“Ardınca gələnlərin qarşısında aciz qalmamaq üçün ilk istəyi beşikdəcə boğmaq yaxşıdır”.

***

“İnsan nəfsini yarıbayarı boğa bilsəydi, dərdləri də yarıbayarı azalardı”.

***

“Özünü sevən insanın rəqibi olmur”.

***

“İnsanlar xörək bişirməyi öyrəndikləri vaxtdan orqanizmin tələb etdiyindən iki dəfə artıq yeyirlər”.

***

“Yadda saxlayın ki, pul balalamaq qabiliyyətinə malikdir”.

***

“Ən gəlirli sərmayə biliyə qoyulan sərmayədir”.

***

“Böyük imperiya böyük piroq kimidir – kənarlarını yemək daha asan olur”.

***

“Rəhbərlik qarşısında təvazökarlıq borc, özün kimilər qarşısında nəciblik, rəiyyət qarşısında isə mərhəmətlikdir”.

***

“Öz kefimiz üçün yeyir, başqalarının kefi üçün geyinirik”.

***

“Bu dünyada iki qaçılmaz şey var – ölüm və vergilər”.

***

“Rahat yatmaq istəyirsənsə, çarpayıya təmiz vicdanla uzan”.

***

“Başqalarını ləkələməkdən əvvəl öz əllərini yu”.