vaxtlı-vaxtında oxuyun! Çərşənbə axşamı, 16 oktyabr 2018
ABŞ dolları 1 USD = 1.7000 AZN
Avro 1 EUR = 1.9729 AZN
Rusiya rublu 1 RUB = 0.0257 AZN
İngilis funt sterlinqi 1 GBP = 2.2505 AZN
Türk lirəsi 1 TRY = 0.2879 AZN
Şeyx Məhəmməd Xiyabani (1880 - 1920)

«Hər  bir millətin ləyaqətinin ilkin şərti müstəqillikdir»

Şeyx Məhəmməd Xiyabani (1880 - 1920)
BANK, BİRJA, SIĞORTA  
11:50 | 2 avqust 2017 | Çərşənbə Məqaləyə 1085 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Əmanətlərin Sığortalanması Fondunun rəhbərini niyə dəyişdilər?

... Və ya yeni rəhbərlə bağlı gözləntilərim

Əkrəm HƏSƏNOV

MÖVZU İLƏ ƏLAQƏLİ

Dünən Əmanətlərin Sığortalanması Fondunun icraçı direktoru Azad Cavadov 5 illik səlahiyyət müddəti bitdiyi üçün vəzifəsindən azad olunub. Xatırladıram ki, Cavadov həmin vəzifəni Fondun yaradıldığı 2007-ci ildən tuturdu, yəni iki 5 illik müddət ərzində. Hər bir halda Azad müəllim Fondun ilk rəhbəri kimi tariximizdə qalacaq. Pis-yaxşı Fondun işini qura bilmişdi. Amma hadisələr göstərdi ki, o, əksər məmurlarımız kimi yaxşı günün inzibatçısıdır. 2015-ci ildən başlayaraq bank sistemində vəziyyət ağırlaşan kimi problemlər, qeyri-dürüstlük, qeyri-peşəkarlıq, savadsızlıq və naşılıq üzə çıxdı.

Məlum olduğu kimi, Fondun 2 funksiyası var:

1. əmanətlərin sığortalanması;

2. lisenziyası ləğv olunmuş, o cümlədən müflis bankların ləğvi.

Fond birinci funksiyanın öhdəsindən qismən də olsa gəlirdi. Ən başlıcası bağlanan bankların qorunan əmanətləri üzrə kompensasiyalar əmanətçilərə ödənilirdi (bəzi problemlər olurdu əlbəttə, amma ümumən bu işi müsbət qiymətləndirmək lazımdır) və bu da bank sisteminə etimadın qismən də olsa bərpasına xidmət edib. Lakin o da məlumdur ki, kompensasiyalar əsasən Fondun öz vəsaiti deyil, Mərkəzi Bankdan aldığı kreditlər hesabına ödənilib. Buna görə də Fondun 8 il ərzində banklardan topladığı vəsaitin necə idarə olunması və niyə belə tez qurtarması ciddi suallar doğurur və xüsusi araşdırma, bəlkə də istintaq mövzusudur.

Təəssüf ki, Fondun bankların ləğvedicisi kimi fəaliyyətini tam mənfi qiymətləndirmək lazımdır. Bildiyiniz kimi, mən dəfələrlə, o cümlədən müflis olmuş ən iri bankın – «Bank Standard»ın Kreditorlar Komitəsinin sədri kimi də Fondun və Azad Cavadovun bu sahədəki fəaliyyətini kəskin tənqid etmişəm. Komitənin iclaslarında Azad müəllimlə ciddi mübahisələrimiz də olub (bununla belə onun açıq diskussiyadan yayınmamasını da yüksək qiymətləndirirəm!). Hesab edirəm ki, Fond bankların ləğvi prosesində qeyri-şəffaf və qeyri-konstruktivdir. Cavadov açıq-aşkar bankları kreditorların nəzarətindən kənar ləğv etmək, əmlakını idarə etmək, satmaq və s. niyyətini nümayiş edirdi. Təsadüfi deyil ki, ləğvetmə prosesində olan 11 bankdan yalnız 4-də kreditorlar komitəsi yaradılıb (halbuki Cavadov hamısında yaradacağına söz vermişdi). Həmin 4 komitənin də normal işləməsi üçün Fond tərəfindən adekvat tədbirlər görülməyib. Təvazökarlıqdan uzaq olsa da deməliyəm ki, yalnız mənim rəhbərlik etdiyim «Bank Standard»ın Kreditorlar Komitəsi nisbətən fəaldır və müəyyən nailiyyətləri var (o cümlədən bankın ləğvi ilə bağlı məhkəmə prosesinə üçüncü şəxs qismində cəlb olunub). Amma bütün bunlar əksər hallarda Fondun istəyinin ziddinə baş verib.

Bu baxımdan Komitə sədri kimi Fondun yeni rəhbəri Vüqar Abdullayevi təyinatı ilə bağlı təbrik və fəaliyyətində uğurlar arzu edərək, onun daha şəffaf və konstruktiv işinə ümid bəsləyir və onunla əməkdaşlığa hazır olduğumuzu bildirirəm. Bildiyim qədər, Vüqar müəllim bank sisteminin kadrı deyil. İndiki vəziyyətdə bu üstünlükdür. Çünki dəfələrlə demişəm ki, bank sistemimizin əsas problemlərindən biri onu idarə edənlərin hamısının banklarla sıx əlaqədə (xüsusən qeyri-rəsmi!) olmasıdır. Bu da obyektiv və qərəzsiz fəaliyyətə mane olur! Buna görə də inanıram ki, Fondun yeni rəhbərliyi bankların ləğvi prosesində şəffaf, obyektiv və konstruktiv mövqe nümayiş etdirərək həmin bankları bu günə qoyanların məsuliyyətə cəlb olunması, kreditorların və bütün zərərçəkənlərin maraqlarının qorunmasına və nəticədə bank sistemimizə etimadın daha da artmasına nail ola biləcək.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)