Sülhəddin Əkbər Ədalət Vəliyevlə nə danışıb?
“Açıq şəkildə dedim ki, Azərbaycanda siyasi məhbus probleminə son qoyulmalıdır”
19:05 | 8 yanvar 2014 | Çərşənbə
Məqaləyə 3168 dəfə baxılıb
Şriftin ölçüsü
«Cəlaloğlunun hiddətlənməsinə ehtiyac yoxdu»
«Milli Şurada intriqalara enerji sərf etmək bizlik deyil»
Murad ƏHMƏD, Hafta.az
MÖVZU İLƏ ƏLAQƏLİ
-
-
Parlament seçkiləri də erkən keçiriləcək?
Konstitusiyaya edilən dəyişikliklərdən sonra Milli Məclisin yenidən formalaşdırılması zərurətə çevrilib
-
ADP MSK-ya müraciət etdi
Sərdar Cəlaloğlu: «Bizi qınamağa haqlarıı yoxdur»
-
«Ankaranın iddiası Qərbi narahat edir»
Sülhəddin Əkbər: «Türkiyə geopolitik oyunqurucu olmasa da, oyunpozucu statusuna sahib olmaq istəyir»
-
«Gərginlik birinin digərinə kəskin ehtiyacı olmayana qədər sürəcək»
Sülhəddin Əkbər: «Qərbdəki müəyyən dairələr müstəqil siyasət aparmağa çalışan Ərdoğanı devirməkdə maraqlıdır»
-
«Kalaşnikov»la silahlanmış mafia
Hacı İbrahimin otağı və Nazim İbrahimov evinin pəncərələri niyə gülləbaran edildi?
-
Abdolbari Gözəlin ofisinə basqın
Hüseyn Abdullayevdən 2-ci etiraf - biznesmen döyüldü, seyfindən 180 min dollar aparıldı...
-
Terrorçularla necə davranmalı?
«Müxtəlif terror qruplaşmaların tərkibində döyüşənlərin hamısı qırılıb qurtarmadı və indi onları zərərsizləşdirmək üçün yollar axtarılır»
-
«Maraq o qədər də yüksək olmur»
Müxalifət seçki bloku yaratmaqdan vaz keçib...?!
-
«Qərb Türkiyədə hakimiyyətə öz «uşaqlarını» gətirmək istəyir»
Sülhəddin Əkbər: «...Bunu həyata keçirəcəyi halda Türkiyə yeni dünya düzənində daha ciddi yer tutmağı bacarar»
-
Böyük dövlətlər quran böyük türklər
«Gənclərimiz yalnız bu günü ilə yaşamamalı uzaqlara və böyük hədəflərə baxmalıdırlar»
-
Partiyaların qurultay dərdi...
Sözçülərin deməsindən başa düşmək olar ki, bu payız siyasi ab-hava çox «isti» keçəcək
-
«Vahid namizəd seçməlidir»
Pənah Hüseynin təklifinə müxalifətdən reaksiyalar gəldi
-
«Bəlkə də qaytardılar»
Araz Əlizadə: «AXCP-Müsavat cütlüyü ümidlə yaşayır»
-
ADP-dən yeni tələblər
«Hökumət təcili antiböhran proqramını elan etməlidir»
-
Müstəqillik əleyhdarları revanşda
«Sevinclə gözləyirlər ki...»; Rusiyanın «xilaskar missiya»sı təbliğ edilir
Keçmiş Açıq Cəmiyyət Partiyasının sədri Sülhəddin Əkbər müsahibə verib. S.Əkbər yaradılmaqda olan yeni Azad Demokratlar Partiyasının Təşkilat Komitəsinin görəcəyi işlər, keçiriləcək islahatlar, yeni partiyadakı dəyişikliklər, Milli Şuranın hazırkı durumu, qurumdan uzaqlaşanların geri qaytarılması və keçmiş ACP-çilərin Milli Şura ilə bağlı mövqeyi haqda danışıb.
- Qurultaya qədər təşkilat komitəsi hansı işlər görəcək?
- Yeni təsis olunacaq partiyanın nizamnamə və proqramı üzərində iş gedir. Bu barədə geniş danışmaq üçün tezdi. Layihə təşkilat komitəsində müzakirə edilib, qəbul edildikdən sonra məlumat vermək olar. Struktur islahatı aparılacaq, proqramda daha dəqiq istiqamətlər göstəriləcək. Bir sıra fərqli cəhətlər olacaq. Siyasi diskussiya və fəaliyyət formalarımızla bağlı çox açıq xətt müəyyən edəcəyik. Şəffaf siyasət aparmaq niyyətindəyik.
- Hansı dəyişikliklər olacaq?
- Faktiki olaraq yeni partiya təsis ediləcək. Liberal-demokratik yönümlü, sağ mərkəzçi partiya olacaq. Mötədil xətt yürüdəcək, ekstremizm və radikalizmdən uzaq olacaq. Əsas hədəf kütləsi orta sinif olacaq.
- Sərdar Cəlaloğlu açıqlama verib ki, ad «ADP» olsa sizi məhkəməyə verəcək. Bu məsələni necə həll edəcəksiz?
- Sərdar Cəlaloğlunun hiddətlənməsinə ehtiyac yoxdu. Adı ADP ola bilməz, Ədliyyə Nazirliyi bunu qeydə almır. Birinci, həlli yolu odur ki, Müsavat Partiyası kimi biz də nizamnamədə göstərə bilərik ki, partiya adının qısaldılmış forması yoxdu. Yəni hər zaman Azad Demokratlar adlana bilər. Yaxud da AzDP ola bilər. Narahatlığa heç bir əsas yoxdu.
- Müsavat Milli Şuradan çıxdıqdan sonra aparılan müzakirələrin nəticələri nə yerdədi?
- İndi yaranmış böhranlı vəziyyətdən çıxış yolları axtarılır, ciddi müzakirələr gedir. Bu müzakirələr bir müddət davam edəcək. Müsavatın bu addımı gözlənilirdi. Sadəcə Müsavat çalışırdı ki, bu yolda özünə yoldaş tapsın. Amma yoldaş tapmadıqdan sonra məcbur olub təkbaşına getdi. Milli Şurada yaranmış vəziyyət təkcə Müsavat Partiyasının çıxması ilə bağlı deyildi. Ondan öncə də ciddi müzakirələr başlamışdı. Milli Şuranın məqsəd və vəzifələrinin aydın göstərilməsi, strategiyanın seçilməsi, yenidən formatlanma, rəhbərliyin və strukturun formalaşdırılması məsələləri gündəlikdədi. Və bunlar heç də asan məsələlər deyil.
- Milli Şuranın da aqibətinin digər birliklər SİDSUH, Azadlıq bloku və s. kimi olacağı proqnozları verilir. Milli Şuranın buraxılması realdırmı?
- Nəzəri cəhətdən hər şey mümkündü. Milli Şurada siyasi böhran yaranıb. Belə dönəmlərdə müdrik qərarlar qəbul etdikdə, bu böhranlar yeni inkişaf üçün təkan ola bilər. Yanlış qərarlar isə tənəzzülə gətirib çıxara bilər. Hər şey Milli Şurada aparıcı liderlərin qəbul etdiyi qərarların reallığa nə qədər adekvat olmasından asılı olacaq.
- Dünənki danışıqlarda növbəti sessiya ilə bağlı müzakirələr oldumu?
- Sessiya həm əsasnaməyə görə gecikir, həm də yaranmış vəziyyət sessiyanın çağırılmasını tələb edir. Amma sessiya çağırılmadan öncə yaranmış suallara cavab tapılmalıdı. Əks halda bunun mənası olmayacaq.
- Təxmini vaxt planlaşdırılıbmı?
- Təxmini vaxt səslənib ki, yaxın günlərdə çağırılsın. Amma mənim fikrimcə, ümumi ortaq fikrə gəldikdən sonra sessiya çağırılmalıdı. O zamana kimi müzakirələr davam etməlidi.
- Müsavatın mövqeyinə görə, Milli Şuranı tərk edənlərin və ya postundan uzaqlaşanların geri qaytarılması üçün danışıqlar başlayacaqmı?
- Mümkündür. Bu Milli Şuranın qalıb fəaliyyət göstərməsindən asılı olacaq. Təbbi ki, onun gücləndirilməsi üçün tədbirlər görülməlidi. Rüstəm İbrahimbəyov, ALP-çilər və digər şəxslərin cəlb edilməsi üçün addımlar atıla bilər.
- Siz Milli Şura ilə bağlı əvvəlki mövqeyinizdə qalırsınızmı?
- Biz həmin mövqeyimizdə qalırıq. Müsavatın Milli Şuranı tərk etməsi bizim mövqeyimizə təsir etməyib. İndi Milli Şuranın yalnız bir məqsədi olmalıdı: demokratiyaya keçid və azad seçkilər. Digər məsələlərin qoyulması fikir ayrılıqlarının yaranmasına gətirib çıxarır. Aydın strategiya olmalıdı. Qarşıya qoyulan məqsədə hansı məhdud resurslarla və necə çatacağıq. Xalqla, hakimiyyətlə və beynəlxalq birliklə münasibətlərin necə qurulacağı aydınlaşmalıdı. Konkret qrafiklə fəaliyyət planı olmalıdı. Bunlar olmayacaqsa, Milli Şurada qalıb vaxt keçirmək, intriqalara enerji ayırmaq bizlik deyil.
