“Qalatasaray” rahat oynadı. Top fərqini yaxşılaşdırmaq üçün bir neçə top da vurmaq olardı, amma yenə də yaxşı nəticə oldu.

Aslanların hücumçusu Viktor Osimhen bu komanda üçün çox şeydir. Bir “Frankfurt”la oyunda olmadı. Onda da 5 qol yedilər. Nigeriyalı meydana başqa bir aura verir. İndidən sonra “Qalatasaray”ın ilk 24-ə düşməsi öz əlindədir. İlk 8-lik demirəm, çünki orada monopoliya var.

Qarabağa gəldikdə isə Azərbaycan Liqasının komandası İspaniya, İngiltərə və Almaniya klubları ilə oynayacaq gücdə deyil. “Qalatasaray” 1-5 hesabı ilə “Frankfurta” uduzanda bizim jurnalistlər iddia edirdilər ki, “Qarabağ” almanları udardı. Amma bu gün reallıq göz önünə sərildi. Atletik 3 klass qol ataraq, oyunu qazandı. Reallıq odur ki, Azərbaycan futbolunun onlara çatmasına çox var.