“PERTAMINA PREMA Theodore Racing”dən niderlandlı Nik de Vries də maşında nasazlıq ucbatından yarışı dayandırıb.

Bununla da yarışı dayandıran pilotların sayı 7-yə çatıb. Hazırda yarışı cəmi 13 pilot davam etdirir.

***

12:54

“Formula 2” yarışlarında daha bir qəza olub.

Bu dəfə “Campos Vexatec Racing” komandasının digər ikinci pilotu, israilli Roy Nisaninin idarə etdiyi bolid də təhlükəsizlik divarına çırpılaraq sıradan çıxıb.

“Trident”dən hindistanlı Arcun Maini də yarışı erkən dayandırıb. “RUSSIAN TİME”dan rusiyalı Artyom Markelovun bolidi isə getdiyi yerdə tüstülənib. Bütün trası bürüyən ağ qatı tüstü digər pilotların da idarəetməsini çətinləşdirib. Markelovun bolidi trasdan kənarlaşdırılıb.

***

12:43

Formula 2-də daha bir pilot yarışı dayandırıb.

“BWT Arden” komandasının almaniyalı pilotu Maksimilian Günterin idarə etdiyi boliddə nasazlıq yarandığından o, şütüdüyü yerdə dayanmalı olub. Qeyd edək ki, dünən keçirilən sərbəst yürüşlər zamanı da Günterin bolidində nasazlıq yaranmışdı. Getdiyi yerdə tüstülənmiş maşını marşallar son anda yanmaqdan qurtarmışdılar.

Xatırladaq ki, bu gün artıq 3 pilot yarışı erkən dayandırıb.