vaxtlı-vaxtında oxuyun! Şənbə, 26 noyabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
DİGƏR NÖVLƏR  
21:41 | 20 noyabr 2022 | Bazar Məqaləyə 384 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Aston Martin”in eqosu

... və mövsümün ən darıxdırıcı yarışı

Rahim ƏLİYEV

MÖVZU İLƏ ƏLAQƏLİ

Daha bir mövsümü arxada qoyduq – qaliblər əvvəldən bəlli idi, ona görə də son yarışa gərginlik də yox idi.

Mövsümün son yarışı ənənəvi keçdi - yəni mövsümün ikinci yarısında gördüyümüz mübarizəni gördük. Öndə Maks Verstappen əlçatmaz idi, adam bir dövrə belə rəqiblərinə şans vermədi. Arxasında Şarl Lekler və Serxio Peres yarışırdılar. Komanda da başa düşürdü ki, eyni strategiya ilə Peres rəqibinə aşkar uduzacaq, ona görə də onu fərqli strategiyaya keçirdilər - amma bunun da xeyri olmadı. Son podium elə mövsümün yekun turnir cədvəlini də təsdiq etdi. 

Əlbəttə, Alonso və Hamilton kimi çempionların mübarizədən kənar qalması üzücü idi, əminəm ki, onların hər ikisi Fettel üçün tüstü buraxmağa hazırlaşmışdılar, amma keçən ilki kimi özü mübarizədən kənar qalmışdısa, bu dəfə Fettel özü finişi gördü və onun şərəfinə podium qazananlar tüstüləməli oldular.

Bir məsələ də var ki, Alonso və Hamilton finişə çatsaydılar, Fettel son yarışında xalsız qalardı – bunun da səbəbi “Aston Martin” komandasının, daha doğrusu, komanda sahibinin eqosudur. Onun gül balası bu gün xal qazanmalı idi və Fettelin o boyda əziyyətini yerə vurmaq lazım idi. Alonso indidən bilməlidir ki, necə bir komandaya keçir...

Belə baxırsan ki, yarışda ötmələr də var idi, mübarizə də var idi, amma ümumən, sanki darıxdırıcı idi. Yəqin titul uğrunda mübarizənin başa çatması da rol oynayırdı.

İki gündən sonra elə bu trasda sürücülərin gələn mövsümə hazırlığı başlayacaq. Daha sonra qış tətili və yeni ildə yeni təqdimatlar, mövsümöncəsi testlər və ... artıq 41-ci mövsümümü başa vurub 42-ci mövsümümə hazırlığa başlayıram...