vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Milli mənliyini itirmiş cəmiyyət, başqa millətlər üçün ovdur»

Mustafa Kamal Atatürk (1881 - 1938)
MEDİA-QHT  
19:54 | 12 iyun 2020 | Cümə Məqaləyə 12936 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

AMEA, şeir və koronovirus ...

... Yaxud dünya elminə kəllə atanlar

Səxavət MƏMMƏD

MÖVZU İLƏ ƏLAQƏLİ

Azərbaycan Milli Elmlər Akademiyası koronavirusla bağlı gündəm olub. Eşidən bilən də elə bilər ki, alimlərimiz koronavirusa qarşı vaksin tapıblar və yaxud hansısa elmi bir nailiyyət əldə ediblər. Buna nəinki biz, heç alimlər özləri belə inanmazlar.

AMEA-nın alimləri koronavirusa elmi yox, bədii tərəfdən yanaşıblar. Sözü çox dolandırmayaq, ailmlərimiz koronavirus və pandemiya ilə bağlı şeir yazacaqlar. Gülməyin! Dünyanın hansı elm mərkəzi planetimizi cənginə alan bir epidemiyaya bədii tərəfdən yanaşıb? Yanaşmaq nədir, heç bunu düşünə biləcək dünyada alim tanıyırsınız?

Lap əvvəldən başlayaq. Koronavirus dünyaya yayılmağa başlayanda ölkələr bir-bir karantin rejimi elan etməyə başladı. Azərbaycan da eyni bu addımı atmalı oldu. Azərbaycanda ilk evdən işləyən qurumlardan biri AMEA oldu. Təsəvvür edin, alimləri koronavirus üzərində baş sındırmaq yerinə, göndərildilər evlərinə. Azərbaycan bəzi dövlətlər kimi yaşı 65 və daha çox olanların evdən çıxmasını qadağan etdi. Bu qərara əsasən AMEA-nın alimləri iki qat evdə qalmalı oldu. Sonradan məlum oldu ki, alimlər elmi kəşflərini evdən edəcəklər. Hər gün AMEA-nın rəsmi saytına baxdıqda, koronavirusla bağlı yeni xəbər görürdük, xəbərə baxanda məlum olurdu ki, AMEA hansısa ölkənin etdiyi işi tərcümə edib, sayta yerləşdirib. AMEA-nın karantində olan ölkəyə verdiyi töhfə ancaq bu şəkildə oldu. Yeri gəlmişkən TƏBİB sədri Ramin Bayramlı hər brifinqində deyir ki, alimlərlə məsləhətləşirik, indi məlum oldu hansı alimləri deyir.

AMEA-nın birinci vitse-prezidenti, akademik İsa Həbibbəyli alimlərin koronavirusla bağlı şeirlər yazacağını açıqladı. Əslində bu AMEA-nın elmə bədii münasibətidir. Təsəvvür edin, dünya alimləri durmadan açıqlamalar verir, araşdırmalarla bağlı məlumatlar yayır, peyvəndin nə vaxt tapılacağını bildirir. Bizim AMEA isə şeir yazır, yazdırır.

Dünən bir şair sosial şəbəkədə belə bir paylaşım etmişdi: "AMEA-nın alimlərindən biri zəng edib, dedi ki, koronavirusla bağlı bir şeir yaz göndər, hörmətini edəcəm". Demək elmləri kimi şeirləri də saxta olacaq. Buradan belə görünür ki, şeir yazmaq alimlərin boynuna qoyulub. Bəlkə də, AMEA-nın tərkibindəki hər instituta plan da qoyulub ki, bu qədər şeir sizin öhdənizə düşür.

Razıyıq, şeiri alim də yazar, nazir də yazar, çoban da. Ancaq mövzu ilə bağlı şeir yazdırmaq ancaq və ancaq sovet təfəkkürlü qocaların ağılan gələ bilərdi. Dünya bəla ilə “uğraşarkən” buna şeirlə töhfə vermək dünya elminə kəllə atmaq kimi bir şeydir.

Hələ kitab da çap olunacaq, maliyyəsi də ayrılıb artıq.

Ramiz Mehdiyev başda olmaqla bütün alimlərimizi təbrik edirik. Bunu ancaq biz, üzr istəyirəm, onlar bacara bilərdilər!

Sonda dahi Azərbaycan şairi Mirzə Ələkbər Sabirdən bir kuplet şeirlə AMEA-nın təşəbbüsünə qoşulaq:

 

Əcnəbi seyrə balonlarla çıxır,
Biz hələ avtomobil minməyiriz;
Quş kimi göydə uçar yerdəkilər,
Bizi gömmüş yerə minbərdəkilər!

 

P.S.: Mirzə Ələkbər Sabir həqiqətən dahi olub. 100 ildən çoxdur yazıb, diaqnozunu qoyub, müalicə oluna bilmirik ki, bilmirik.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)