vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Ancaq topların ağzından açılan atəş haqq sözüdür»

Seyid Cəfər Pişəvəri (1892 - 1947)
BANK, BİRJA, SIĞORTA  
15:19 | 11 fevral 2022 | Cümə Məqaləyə 1135 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qızıl ucuzlaşacaq

Əgər FED ehtimal olunan qədər faiz artımına gedərsə...

MÖVZU İLƏ ƏLAQƏLİ

Dünən açıqlanan ABŞ-ın inflyasiya məlumatlarından sonra, bazarlar ABŞ Mərkəzi Bankının (FED) 2022-ci ildə 7 dəfə faiz artıracağını gözləyir.

Qızılın qiyməti ABŞ-da inflyasiyanın gözlənildiyindən daha yüksək olması ilə əlaqədar olaraq aşağı düşüb və bu, FED-in daha aqressiv faiz artırmağa qərarı verəcəyi ilə bağlı narahatlıqları artırıb.  

ABŞ-da istehlak qiymətləri indeksi (inflyaiya göstəricisi) yanvar ayında illik müqayisədə 7,5 faiz artıb. “Bloomberg” sorğusuna qatılan iqtisadçıların gözləntiləri illik inflyasiyanın 7,3 faiz olacağı idi. Əsas inflyasiyanın göstəricisi olan ərzaq və enerji məhsulları istisna olmaqla istehlak qiymətləri indeksi aylıq və illik müqayisədə gözləntilərin üstündə artıb.

FED-in St. Louis şöbəsinin sədri Ceyms Bullard ölkədə son 40 ilin ən yüksək inflyasiya səviyyəsinə cavab olaraq FED-in 1 iyul 2022-ci ilə qədər faiz dərəcələrini 1 baza bəndi artırmalı olduğunu açıqlayıb. Hazırda FED-in faizi 0 -0.25 faiz aralığındadır.

Mart ayı toplantısında 0,50 bəndlik faiz artımı ilə başlamağa dair qərarsız olduğunu deyən Bullard, müzakirəyə rəhbərlik etmək üçün qərarı FED sədri Cerom Pauelə həvalə edəcəyini bildirib.

“Swap” bazarlarında mart ayında 0,25 bəndlik artım 100 faiz ehtimalla, 0,50 bəndlik artım isə 97 faiz ehtimalla qiymətləndirilir.

Bundan əlavə, bazarlar FED-in bu il faiz dərəcələrini 7 dəfə artıracağı ilə bağlı qiymətləndirməyə başlayıb. Fevralın əvvəlində 2022-ci ildə faizin 5 dəfə artırılacağına qiymət verilmişdi.

Həftəyə 1809 dollar ətrafında başlayan qızılın unsiyası 1840 dollara qalxaraq son iki həftənin ən yüksək səviyyəsinə çatmışdı. İnflyasiya məlumatlarının açıqlanması ilə ucuzlaşan qiymətli metal həftəni 1824 dollar səviyyəsində bağlamağa doğru irəliləyir.