vaxtlı-vaxtında oxuyun! Çərşənbə axşamı, 31 yanvar 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
BANK, BİRJA, SIĞORTA  
09:35 | 28 noyabr 2022 | Bazar ertəsi Məqaləyə 775 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Dollar müqaviməti qıracaqmı?

Dünya birjaları 108 indeksinə fokuslanıb

MÖVZU İLƏ ƏLAQƏLİ

Ötən həftənin cümə axşamı Federal Ehtiyat Sistemi (FED) 1-2 noyabr tarixlərində keçirilən Federal Açıq Bazar Komitəsinin (FOMC) iclasının protokollarını dərc edib.

Avro


Uçot dərəcəsinin 75 baza bəndi artırılaraq 3.75-4.00 faiz aralığına qaldırıldığı son iclasın protokollarında qarşıdakı iclaslarda faiz artımı tempinin aşağı düşə biləcəyinə dair siqnallar diqqət çəkdi.

Ötən həftə birjalar FED-in dekabr toplantısında uçot dərəcələrini 75 faiz ehtimalla 0.50 faiz, 25 faiz ehtimalla isə 0.75 faiz artıracağı proqnozlarını qiymətləndirir. Bu isə dollar indeksinin yenidən 105 bənd hədlərinə qədər geriləməsinə səbəb oldu.

Lakin bu həftə Almaniyada və Avrozonada açıqlanacaq inflyasiya rəqəmləri, Amerikada dərc olunacaq ÜDM-in həcmi və “NFP” göstəricisi Dollar İndeksində tendensiyanın gedişində həll edici rol oynaya bilər. Nəticələr proqnozları üstələyərsə, dollar indeksində eniş tendensiyası artım trendi ilə əvəzlənə bilər. Təhlillərə əsasən dollar indeksi 108 bənd həddindəki müqavimət həddi qırılsa, avro və funt-sterlinqdə trend enişə doğru dəyişə bilər.


Funt-sterlinq


Bu həftə İngiltərədə açıqlanacaq sənaye sektorunda biznes aktivliyi indeksi göstəriciləri investorların diqqət mərkəzində olacaq. GBPUSD cütlüyündə qiymətlər 1.2100 müqavimətini qıra bilməsə, funt-sterlinq dollar qarşısında ucuzlaşa bilər. Əgər 1.2100 həddi yuxarıya doğru qırılarsa, artım tendensiyası davam edə bilər.


Türk lirəsi


Ötən həftənin cümə axşamı keçirilən toplantısı zamanı Türkiyə Cümhuriyyəti Mərkəzi Bankı uçot dərəcələrini 10.50 faizdən 9.00 faizə endirsə də, valyuta bazarlarında dolların təklifinin çoxluğu səbəbilə lirədə kəskin ucuzlaşma müşahidə olunmadı. Türk-lirəsi son 2 aydır müşahidə olunan üfüqi tendensiyasını davam etdirir.


Qızıl


Dollar indeksinin ucuzlaşması fonunda qızıla tələb qorunur. Ötən həftənin sonu 1745 dollara kimi ucuzlaşsa da, buradan dəstək alaraq 1754 həddinə kimi bahalaşdı. Lakin dollar üzərində təzyiqlər artmaqda davam edərsə, qiymətli metalın bir unsiya üzrə dəyəri 1800 dollara kimi bahalaşa bilər. Dollar indeksi 108 bənd həddi üzərində möhkəmlənərsə, qızıl yenidən 1720-ə kimi ucuzlaşa bilər.