vaxtlı-vaxtında oxuyun! Cümə axşamı, 8 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
BANK, BİRJA, SIĞORTA  
10:01 | 24 noyabr 2022 | Cümə axşamı Məqaləyə 570 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

FED diqqəti risklərə çəkdi ...

Türk lirəsinin taleyi bu gün həll olunur

Vaxt.az

MÖVZU İLƏ ƏLAQƏLİ

Dünən ABŞ Federal Ehtiyat Sistemi (FED) 1-2 noyabr tarixlərində keçirilən Federal Açıq Bazar Komitəsinin (FOMC) iclasının protokollarını dərc edib.

Uçot dərəcəsinin 75 baza bəndi artırılaraq 3.75-4.00 faiz aralığına qaldırıldığı son iclasın protokollarında qarşıdakı iclaslarda faiz artımı tempinin aşağı düşə biləcəyinə dair siqnallar diqqət çəkdi.

Protokollarda bəzi FED rəsmilərinin faiz dərəcələrinin sürətlə artmasından irəli gələn risklərə diqqət çəkdiyi, bəzi üzvlərin isə faiz artımının yavaşlamasının bazarlarda mümkün volatillik ehtimalını azalda biləcəyini qeyd etdiyi bildirilib.

Hazırda birjalar FED-in dekabr toplantısında uçot dərəcələrini 75 faiz ehtimalla 0.50 faiz, 25 faiz ehtimalla isə 0.75 faiz artıracağı proqnozlarını qiymətləndirir. FED-in fevral iclasında isə uçot dərəcələrini 0.50 faiz artıracağı ilə bağlı ehtimallar 50 faizin üzərindədir. Bu isə dollar indeksinin yenidən 105 bənd hədlərinə qədər geriləməsinə səbəb oldu.Təhlillərə əsasən dollar indeksindəki geriləmə davam edərsə, avro və funt-sterlinq cütlükləri müvafiq olaraq 1.05 dollar və 1.22-yə kimi bahalaşa bilər.

Son 2 ayda üfüqi tendensiya sərgiləməsi ilə diqqət çəkən Türk lirəsinin gələcək taleyinə bu gün keçiriləcək toplantısı zamanı Türkiyə Cümhuriyyəti Mərkəzi Bankının verəcəyi faiz qərarı aydınlıq gətirə bilər. Ehtimal olunduğu kimi uçot dərəcələri 9.00 faizə endirilərsə, bu lirənin ucuzlaşmasına səbəb ola bilər.

Dollar indeksindəki geriləmə fonunda qızıla tələb yenidən artır. Hazırda dünya birjalarında 1754 dollardan təklif olunan qiymətli metalın bir unsiya üzrə dəyəri 1750 həddinin üzərində möhkəmlənə bilsə, 1776-ya kimi bahalaşa bilər.