vaxtlı-vaxtında oxuyun! Cümə axşamı, 8 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əli bəy Hüseynzadə (1864 - 1940)

«Hürriyyət!.. O nə qüvvədir ki, zehinləri, fikirləri, xəyalları, bəşərin bütün ruh və mənəviyyatını sövq edir!»

Əli bəy Hüseynzadə (1864 - 1940)
TOP OYUNLARI  
19:49 | 20 noyabr 2022 | Bazar Məqaləyə 723 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Sadəcə milli ruh ...

De Byazini böyük məşqçi olmasa da, ağıllıdır

Vüsal MAHMUDOV

MÖVZU İLƏ ƏLAQƏLİ

Kimsə bəyənməyə bilər, amma milli komandanın ardıcıl 5 qələbə qazanması tarixdir. Bəli, bu oyunlarda qarşımıza zəif rəqiblər də çıxıb, əhəmiyyətsiz oyun olduğu üçün bütün gücünü qoymayanlar da. Amma və lakin bundan istifadə etmək özü də bir uğurdur.

De Byazini böyük məşqçi saymıram, Avropada heç ortabablardan da deyil. Lakin çox ağıllıdır, o qədər ağıllı ki, ötən zaman ərzində nicat yolunu tapa bildi. Yerli kadrlardan Qurban Qurbanov kimi istifadə etməyi öyrəndi, “Qarabağ”ın oyunçularının üstünlük təşkil etdiyi heyət qurdu, bu komandanın oyun dəst-xəttini kopyaladı və qələbələri sıralayır.

Öyrənmək heç vaxt gec deyil. De Byazi 66 yaşında öyrənir və tətbiq edir. Seçmə mərhələdə çətin olacaq, lakin ən azı futbolçularda özünəinam yaranır.

De Byazi indiyədək bunu niyə etmirdi? Çünki Elxan Məmmədovun nəfəsi hər an üstündə idi, onun göstərişlərindən, şəriki Riad Rəfiyevin tapşırıqlarından kənara çıxa bilmirdi. İndi Məmmədov Parisdən hadisələrə istədiyi kimi müdaxilə edə bilmir, təsir qüvvəsi azalıb və italiyalı daha rahat işləyir. 14 ildir Azərbaycan futbolunu məhv edən bu adam birdəfəlik kənara atılsa, həm ölkə futbolu, həm də milli komanda inkişaf edər.

Ona da əmin olun ki, Qurban Qurbanov millidən vaxtsız göndərilməsəydi, indi Azərbaycan millisi tamam fərqli, daha yüksək səviyyədə idi. Bir var onu kopyalasınlar, bir də var özü olsun. Hətta millini de Byazinin əvəzinə başqa layiqli yerli mütəxəssis çalışdırsaydı, yenə nəticə daha yaxşı olardı.

Söhbət bugünkü oyunda bütün qolları “Qarabağ”lıların vurmasından getmir, heç penaltiyə səbəbkar olan rus, qırmızı vərəqə alan fars milliləşənləri də önə çəkməyin yeri yoxdur. Sadəcə milli ruh olaraq “Qarabağ” kimi oynayır, qalib ruhlu futbolçuların əsasını təşkil etdiyi milli məhz belə oynamalıydı.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)