Son günlər Çində davam edən etiraz aksiyalarına rəhbərlik edən adlardan birinin taleyi ölkədə mübahisələr yaradır. Kommunist rejiminin devrilməsi üçün şüarlar səsləndirən “Vanq” adlı etirazçının bir neçə gün əvvəl polis tərəfindən sürükləndikdən sonra yoxa çıxması narahatlıq yaradıb.

Sosial mediada yayılan videoda 27 yaşlı Vanqın bazar günü işlədiyi barda yerdə süründürülməsi və polis tərəfindən saxlanılması əks olunub. Bu gənc keçən həftə etirazların önündə olub, nümayişlərə rəhbərlik edib.

Vanqın ailəsi Britaniya “The Teleqraf” qəzetinə oğlundan xəbər almadıqları üçün ona görə çox qorxduqlarını bildiriblər. Sosial mediada bir çox insan Vanqdan günlərlə xəbər alınmadığı üçün böyük narahatlığını ifadə etdi.