“88 yaşlı Papa Fransisin həyatı üçün təhlükə yaratmayan ağciyər infeksiyası var və ən azı gələn həftə xəstəxanada qalacaq”, – deyə həkimləri açıqlama yayıblar.

Fevralın 14-dən müalicə aldığı Gemelli Xəstəxanasında mətbuat konfransı keçirən professor Sergio Alfieri, “Papa təhlükədən xilas oldumu” sualına “Xeyr, təhlükə hələ qalır”, – cavabını verib.

“Buna görə də, o, çox ehtiyatlılıq üzündən və heç bir avadanlığa bağlı olmamasına, ziyarətçiləri ilə zarafatlaşmassına, rəğmən Papa Fransisin ən azı gələn həftə xəstəxanada qalmasına qərar verildi, – deyə doktor bildirib.

“Əgər onu Müqəddəs Marta Evinə (Vatikandakı Papa iqamətgahı) qaytarsaq, o, əvvəlki kimi işinə qayıdacaq”, – dedi Alfieri bildirib. Papa yüksək iş yükü və həkimlərinin tövsiyələrinə məhəl qoymaması ilə tanınır.

Professor Alfieri, Papanın “60 yaşlı, hətta 50 yaşlı bir insanın ağlına sahib olduğunu və heç vaxt şikayət etmədiyini”, – deyib.

Vatikanın Mətbuat Evi gecənin sakit keçdiyini bildirdi.

Xarici medianın məlumatına görə, Papa 2021-ci ildən bəri dördüncü dəfə xəstəxanaya yerləşdirilib. Papa bir həftədir ictimaiyyət arasında görünmür və Vatikan qarşıdakı həftələrin gündəmində səssiz qalır.

İstefa ilə bağlı qarışıq mövqe sərgiləyən Papa, sələfi XVI Benedikt kimi vəzifəsini tərk etmək üçün qapını açıq qoyub və 2013-cü ildə seçildikdən qısa müddət sonra səhhəti vəzifəsini davam etdirməsinə mane olarsa, istefa məktubu imzalayacağını açıqlayıb.

Daha sonra o, səhhəti imkan verdiyi müddətcə vəzifəsini icra etməyə davam etmək istədiyini bildirib və ayaqlarını deyil, başını istifadə etdiyini vurğulayıb.

Bununla belə, yoluxduğu infeksiyanın şiddəti ölümcül ola bilər və kartları dəyişdirə bilər. Vəziyyət əvvəlki kolon və qarın əməliyyatları, yerimə çətinliyi və tənəffüs yoluxucu xəstəlikləri əhatə edən sağlamlıq problemlərinin uzun siyahısına əlavə olunur.

Papa əlil arabasından istifadə edərək çəki artımı və diz ağrısı ilə bağlı hərəkətlilik problemlərini aradan qaldırmağı bacarıb. Ancaq 21 yaşında sağ ağciyərinin yuxarı hissəsi çıxarılan 80 yaşlı bir adam üçün tənəffüs problemləri daha çox sual yaradır.

Papa ilin əvvəlindən bir neçə dəfə moizələrini ləğv etməli, mətnlərin oxunmasını təxirə salmalı, hətta dincəlmək üçün moizə zamanı fasilə verməli olub.