Alimlər müəyyən ediblər ki, bəzi kakadular yeməklərinə sousla dad verməyi xoşlayırlar. Əvvəlki tədqiqatlarda “Cacatua goffiniana” növünün kakadularının insanların peçenyeləri çaya batırdıqları kimi, quru yeməyini suya batıraraq yumşaltdıqları müşahidə edilib.

Lakin tədqiqatçılar deyirlər ki, heyvanların yeməklərinə ədviyyat verdiyini göstərən yeganə araşdırma 1960-cı illərdə aparılıb. Bu araşdırmada “Macaca fuscata” növünün kartofu duzlu suda islatdığı müəyyən edilib.

Vyana Baytarlıq Tibb Universitetinin tədqiqatçıları bir səhər laboratoriyada yetişdirilmiş iki “Cacatua goffiniana” tutuquşularının bişmiş kartoflarını qaragilə ətirli soya yoqurtuna batırdıqlarını gördükdə bu davranışı araşdırmaq qərarına gəliblər.

Nəticələri “Current Biology” jurnalında dərc edilən araşdırmada tutuquşularla hər biri 30 dəqiqə davam edən 14 təcrübə aparılıb.

Sınaqlarda 18 quşa üç sousla yanaşı, ya makaron və gül kələm, ya da kartof və yerkökü qabları təklif edilib – qaragiləli soya yoqurtu, adi soya yoqurtu və içməli su.

Quşlar yerkökü və gül kələmini heç nəyə batırmadılar. Bununla belə, 9 kakadu makaron və yaxud qatığa batırılmış kartof yeyib.

Tədqiqatçılar qaragiləli qatığa daha çox üstünlük verildiyini müşahidə ediblər. Bu onu deməyə əsas verir ki, quşların davranışı qatığın tutarlılığından çox dadı ilə bağlıdır. Alimlər onu da bildirirlər ki, sonradan apardıqları təcrübələrə görə, qaragiləli soya qatığına rənginə görə üstünlük verilmir.

Bundan əlavə, suya yaxınlaşmamaları, yeməkləri islatmaq kimi bir məqsədlərinin olmadığını göstərir.

Komanda yazır: “Onlar yemək və qatığı birlikdə yedilər və yeməyi yeməzdən əvvəl heç vaxt qatıq yalamadılar, bu iki yeməyə birlikdə üstünlük verdilər”.

Tədqiqatın müəlliflərindən biri Cereon Jevald, “Quşlar yeməklərinin kifayət qədər dadlı olmaması ilə bağlı problem yaşadıqlarından qatığa üz tutdular. Onlar əslində kartof və ketçupla etdiyimiz kimi onu batırdılar və sonra birlikdə yedilər”, – deyib.

Alimlər, yəqin ki, hərtərəfli örtmək üçün qatıqda quşların hərəkət etdiyini və yeməyi sürüklədiyini də müşahidə etdilər.

Komanda deyir ki, bu davranış təbiətdə görünmədiyi üçün çox güman ki, yeni inkişaf etmiş bir xüsusiyyətdir. Lakin onun laboratoriya kakadularında baş verməsi heç də təəccüblü deyil.

“Bu kakadular vəhşi təbiətdə alətlərdən innovativ istifadələri ilə tanınırlar. Məsələn, sərt qabıqlı meyvələri açmaq üçün ağac budaqlarından iti taxta əşyalar düzəldirlər”, – məqalənin həmmüəllifi Elis Auersperq izah edir.

Alətdən istifadə və yemək hazırlamaqla bağlı bu cür kəşflər bizə bu heyvanların nə qədər çevik, yenilikçi və maraqlı olduğunu göstərir.

Zevald deyir ki, quşlar makaronu qaragiləli soya yoqurtuna batırmağı xüsusilə sevirlər: “Açığı, mən də sınadım. Həqiqətən nəyi bəyəndiklərini bilmirəm. Bu tövsiyə deyil”.