Fransa hökumətinin 2026-cı ilə qədər odun sobalarını qadağan etmək qərarı ölkədə milyonlarla vətəndaşı qəzəbləndirib. Səbəb kimi ətraf mühitə təsirlər göstərilsə də, vətəndaşlar qənaətli isitmə alternativlərinin yetərli olmadığını əsas gətirərək qərara etiraz edirlər.

Fransada sərt qış ayları ilə əlaqədar milyonlarla insan istilik üçün iqtisadi üsul kimi odun sobalarını seçirdi. Son illərdə elektrik və qaz qiymətlərinin artması ilə odun sobaları bir çox ailələr üçün sərfəli seçim halına gəlmişdi.

Lakin hökumət bu üsulun ətraf mühitə vurduğu ziyana görə qadağan etmək qərarına gəlib. Səlahiyyətlilər odun yandırmağın yüksək karbon emissiyasına səbəb olduğunu və bu qadağanın hava çirkliliyini azaltmaq məqsədi daşıdığını bildirib.

***

Mütəxəssislər bildirirlər ki, odun sobalarının yerinə daha ekoloji cəhətdən təmiz alternativlərdən istifadə etmək olar. Biokütlə ilə işləyən qazanlar və daha müasir yanacaq sistemləri təklif olunan həllər arasındadır. Bundan əlavə, daha az zərərli pelet sobaları və yüksək səmərəli istilik sistemləri də təşviq edilir. Amma bu alternativlər baha başa gəlir və sıravi vətəndaşın büdcəsinə uyğun deyil.

Bir çox Fransa vətəndaşları bu qadağaya görə böyük maddi itkilərə məruz qalacaqlarına və sərfəli istilik metodu tapmaqda çətinlik çəkəcəklərinə bildirirlər.