“Baykar” şirkətinin qabaqcıl görüntü kəşfiyyatı (IMINT) imkanlarına malik “Bayraktar TB2” (PUA) Banqladeş tərəfindən fəal şəkildə istifadə olunur. Banqladeş ordusunun PUA-ları son bir neçə aydır Hindistanla sərhəd bölgədə fəaliyyət göstərir.

Hindistan ordusundan olan mənbələrin verilən açıqlamada “Bayraktar TB2” PUA-larının sərhəd boyunca Banqladeş hava məkanında taktiki-təlim əməliyyatı həyata keçirdiyi bildirilib. Mənbələrə görə, bəzi missiyalar 20 saatdan çox davam edib və Banqladeşin sərhəd boyu müşahidə fəaliyyətlərinin intensivliyini ortaya qoyub.

Buna cavab olaraq Hindistanın təhlükəsizlik agentlikləri real vaxt rejimində regionda PUA fəaliyyətini izləmək üçün yeni radarlar və digər izləmə sistemləri yerləşdirib.

***

2022-ci ilin iyul ayında Banqladeş “Bayraktar TB2” PUA-larının tədarükü üçün müqavilə imzaladı. 2023-cü ilin dekabrında təhvil verilən PUA-lar Banqladeş ordusu tərəfindən fəal şəkildə istifadə olunur. Bundan əlavə, Banqladeş 2024-cü ilin dekabrında “Bayraktar TB2” PUA-ları ilə atəş təlimləri keçirib.

***

“Baykar” şirkəti tərəfindən istehsal edilən “Bayraktar TB2”, 2014-cü ildə inventarlaşdırıldığı gündən bəri səmada 1 milyon saatdan çox uçuş müddətinə çataraq, ən uzun xidmət göstərən ilk və yeganə təyyarə oldu.

Dünyanın ən böyük PUA istehsalçılarından biri olan “Baykar”, ABŞ, İsrail və Çinli rəqiblərini geridə qoyaraq, Türkiyənin qlobal PUA bazarındakı payını 65 faizə çatdırıb. “Bayraktar TB2” PUA-ları təxminən 150 milyon kilometr məsafəni qət edərək dünyanı 3744 dəfə dövrə vurmağa (40.075 km) bərabər bir uçuş uğuru əldə edib. Təyyarə hazırda dünyanın ən çox ölkəsinə ən çox ixrac edilən PUA adını daşıyır.

Bu yaxınlarda “Baykar” ən son “Bayraktar TB2” konfiqurasiyası olan “TB2T-AI”ni təqdim etdi.

Turbo mühərriklə təchiz edilmiş “Bayraktar TB2T-AI” 30 dəqiqədən az müddətdə 30.000 fut (9 km-dən artıq) yüksəkliyə qalxa bilir. PUA, davam edən uçuş sınaqları zamanı 30,318 fut (9240 metr) yüksəkliyə çataraq özünə aid olan rekordu yeniləyib.

Mövcud PUA-lara nisbətən çox daha sürətli qalxmaq və yüksək hündürlükdə uzun müddət qalmaq qabiliyyətinə malik olan “Bayraktar TB2T-AI”, 160 düyün (300 km/saat) sürətlə hava üstünlüyünü qorumaq üçün böyük güc qazanıb. Artan uçuş çəkisi və faydalı yükləmə qabiliyyəti ilə döyüş meydanında daha effektiv və daha uzun müddət fəaliyyət göstərəcək.

“Bayraktar TB2T-AI” PUA-sı, üzərinə inteqrasiya edilmiş üç yeni nəsil süni intellekt kompüteri ilə hava döyüşlərində üstün avtonom imkanlar təqdim edir. Yeni nəsil PUA, həmçinin ən çətin elektron müharibə mühitlərində əraziyə istinad edilən vizual naviqasiya etmək qabiliyyətinə malik olub.

Qabaqcıl süni intellekt sistemləri sayəsində vizual naviqasiya vasitəsilə ərazini tanıya və istiqaməti təyin edə bilir. Hədəfləri təhlil edərək onları aşkar edə və diaqnoz qoya bilər.

O, uçuş-enmə zolaqlarını vizual olaraq tanıya və avtonom uçuş və eniş həyata keçirə bilər. Dinamik marşrut planlamasını həyata keçirərək ən uyğun uçuş marşrutlarını təyin edə bilər.