STM (Savunma Teknolojileri Mühendislik – Müdafiə Mühəndislik Texnologiyası) tərəfindən hazırlanmış “KARGU Strike” PUA-ları “RF Seeker Head” inteqrasiyası ilə elektron siqnallar yayan hədəfləri vurma qabiliyyətinə yiyələnib. Sistemin sınaqları uğurla başa çatıb.

Türkiyənin müdafiə texnologiyalarında müharibə meydanda güc balansını dəyişdirən addımları davam edir. STM tərəfindən hazırlanmış “KARGU Strike” PUA-ya inteqrasiya olunmuş “RF Seeker Head” uğurla sınaqdan keçirildi. Bu inkişaf göstərir ki, pilotsuz uçuş aparatları təkcə insan elementlərinə qarşı deyil, elektron siqnallar yayan hədəflərə qarşı da təsirli hala gəlib.

***

STM baş direktoru Özgür Gülərüz, “SavunmaSanayiST”ə verdiyi açıqlamada, “KARGU”nun RF axtarış sistemi ilə ilk nümayişlərinin keçirildiyini və kütləvi istehsal və satışın yaxında başlayacağını bildirdi. Gülərüz, “Oyunu dəyişdirmək və meydanda müəyyən problemləri həll etmək baxımından böyük bir səlahiyyət qazanacağımızı qiymətləndiririk”, – deyib.

***

Əvvəllər yalnız piyada əleyhinə missiyalarda istifadə edilən “KARGU”, STM-nin hazırladığı tank əleyhinə başlığı ilə zirehli hədəfləri effektiv şəkildə vura bildi. İndi RF (Radio Frequency) axtarış başlığı sayəsində düşmənin radio, radar və rabitə sistemlərini hədəfə almaq qabiliyyətinə malikdir.

Bu inteqrasiya sayəsində “KARGU” elektron müharibə imkanları ilə təchiz edilmiş pilotsuz ovçuya çevrilib. Beləliklə, ərazidə RF emissiya sistemlərinin aşkarlanması və məhv edilməsi çox aşağı qiymətə və yüksək həssaslıqla əldə edilə bilər.

***

STM-in indiyədək 10-dan çox ölkəyə minlərlə ixrac etdiyi “KARGU” modul quruluşu sayəsində daim yeni imkanlarla təchiz edilir. Gülərüz ixrac fəaliyyətlərinin intensiv şəkildə davam etdiyini və yeni inteqrasiyaların yolda olduğunu vurğulayıb.