vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
BANK, BİRJA, SIĞORTA  
08:50 | 26 iyun 2014 | Cümə axşamı Məqaləyə 1973 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Maliyyə amnistiyası olacaq»

«Dəyişikliklər kənara axının qarşısını almaq üçündür»

MÖVZU İLƏ ƏLAQƏLİ

Uzun illərdir Azərbaycanda maliyyə amnistiyası ilə bağlı gəzən söz-söhbətlər, nəhayət ki, öz həllini tapacaq. Milli Məclisin İqtisadi siyasət komitəsinin üzvü Vahid Əhmədov modern.az-a açıqlamasında yaxın vaxtlarda Azərbaycanda maliyyə amnistiyası olacağını bildirib.


Deputatın sözlərinə görə, bununla bağlı xüsusi qərar layihəsi hazırlanır: «Maliyyə amnistiyasının elan olunması gündəmdədir. Hətta bu yaxınlarda vergilər naziri Fazil Məmmədov da belə bir bəyanat verdi ki, xarici ölkələrdəki maliyyənin Azərbaycana gətirilməsi üçün maliyyə amnistiyası həyata keçiriləcək. Təbii ki, burada söhbət qeyri-qanuni, vergidən yayınma yolu ilə əldə edilmiş və gizlədilmiş əmlakın, həmçinin gəlirlərinin leqallaşdırılmasından gedir».

Konkret rəqəmlər söyləyə bilməyəcəyini deyən V.Əhmədov xaricə vəsait aparan, Azərbaycandan kənarda investisiya layihələri həyata keçirənlərin kifayət qədər olduğunu bildirib: «İri şirkətlər Azərbaycanda işləyir, pul qazanırlar. Həmin şirkətlərin rəhbəri kifayət qədər gəlir əldə edir, lakin vəsaitlərini Azərbaycandan kənarda xərcləyirlər. İstəyirik ki, Azərbaycanda  qazanılan gəlir Azərbaycanın daxilində qalsın».

Vahid Əhmədov daha bir maraqlı məsələ barədə anons edib. O qeyd edib ki, Milli Məclisdə «Banklar haqqında» Qanuna edilən əlavə və dəyişikliklərdən sonra xarici banklarda əmanəti gizlətmək asan olmayacaq. Qanuna edilən əlavələrə görə, Azərbaycan vətəndaşları xarici banklarda olan hesabları haqqında dövlətə məlumat verməlidirlər: «Bu dəyişikliklər ilk növbədə valyuta axınının Azərbaycandan kənara axınının qarşısını almaq üçündür. Qanunda edilən əlavə və dəyişikliklər isə həmin vəsaitlərin Azərbaycan daxilində istifadə olunmasına hesablanıb».

Deputatın sözlərinə görə, banklar hamısı internet sistemi ilə bir-biri ilə əlaqəli işləyirlər. Bundan başqa, Mərkəzi Bankın monitorinq qrupu var ki, o da bu istiqamətdə fəaliyyət göstərir. «Çirkli pullar»ın yuyulması faktlarını aşkarlamaq bu qrup üçün çətin olmayacaq: «İndi elə bir vaxtdır ki, heç nə gizli qalmır. Kimin harada nə qədər pulu-vəsaiti var, məlumdur».