Azərbaycanda sələfi təriqətinin lideri Qamət Süleymanov Sabirabadda baş verən olaya münasibət bildirib. O, AzVision.az-a açıqlamasında tərəfdarların çağırış edərək onları səbirli olmağa çağırıb.

«Onu cəzalandırmaq üçün hökumət var və bizdə olan məlumata görə o şəxs saxlanılıb. O videoya baxanda insan əsəbiləşir, bir neçə insan bir nəfərin üstünə düşüb vurur. Amma adam gərək səbirli olsun. Emosiyalarla hərəkət etmək olmaz, çünki, bu, təxribat da ola bilər».

Xatırladaq ki, Sabirabadda baş verən olayla bağlı ötən gün sosial şəbəkələrdə video yayılıb. Həmin videoda bir qrup şəxs sələfi təriqətinə məxsus şəxsi dövrəyə alıb onun saqqalını qırxdığı əks olunub.