Təhsil nazirinin 1 may 2014-cü il tarixli 522 nömrəli əmri ilə «Ümumi təhsil müəssisələrində şagirdlərin sinifdən-sinfə keçirilməsi haqqında müvəqqəti Qaydalar» təsdiq edilib.

Təhsil Nazirliyindən Vaxt.az-a verilən məlumata görə, həmin qaydaların 6-cı və 7-ci bəndlərinin tətbiqi ilə əlaqədar təhsil nazirinin 2 sentyabr 2013-cü il tarixli 792 nömrəli əmri ilə təsdiq olunmuş «Ümumtəhsil məktəblərində məktəbdaxili qiymətləndirmənin aparılmasına dair müvəqqəti təlimat»ın illik qiymətin çıxarılması ilə bağlı 4.14-cü bəndində müvafiq dəyişikliklərin edilməsinə ehtiyac yaranıb.

Qeyd olunanları nəzərə alaraq təhsil nazirinin əmrinə əsasən, şagirdin illik qiymətinin hesablanması qaydası təsdiqlənib.

Bütün məktəblərə şagirdin illik qiymətinin çıxarılması cədvələ uyğun hesablanması tapşırılıb.