Hər beş nəfərdən biri
Avropa mədəniyyəti deyildiyi kimi deyilmiş
12:44 | 23 yanvar 2013 | Çərşənbə
Məqaləyə 3238 dəfə baxılıb
Şriftin ölçüsü
«Vicdan məsələsi»
Fərəh SABİRQIZI
MÖVZU İLƏ ƏLAQƏLİ
-
-
Çamadanda uşaq qaçırmaq istədilər
Sürücü və sərnişinlərin sayəsində azyaşlı qız xilas edilib
-
ELİAS KANETTİ
“Əsl cəllad dar ağacının ətrafına toplanmış kütlədir”
-
Avropada ağsaqqallara acımır
75 yaşdan yuxarılar sürücülükdən məhrum oluna bilər
-
Almaniyada qorxunc statistika
On minlərlə insan narkotikin təsiri altında sükan arxasında yola çıxıb
-
Sürücülük vəsiqəsini ömürlük itirmək riski
Avropada yol hərəkətində ciddi pozuntulara qarşı sərt tədbirlər görüləcək
-
Belçikada sürücülük vəsiqəsi saxtakarlığı
Nəzəriyyə imtahanı üçün 1500 avro tələb edirlər
-
Avtobus qarajında yanğın
40-a yaxın nəqliyyat vasitəsi yararsız hala düşüb
-
Kişilər üç dəfə çox üstünlük təşkil edib
Almaniyada ən çox rast gəlinən yol hərəkəti qaydaları pozuntusu
-
Fransada sürücülük vəsiqəsi şoku
Minlərlə sürücü təlim kursları özbaşınalığının girovuna çevrilib
-
Ən ağırı 4000 avro
Avtomobilin içindən kimisə təhqir etmək cərimə ilə nəticələnəcək
-
Polisi aldatmaq üsulu
Yaşlı qadın cərimədən necə yayındı?
-
Britaniyada böhran artır
Heç kim üç kritik peşəyə maraq göstərmir
-
İmperiya simvollarından xilas
Azərbaycanda ideoloji siyasətin önü açılmalıdır
-
Tıxac probleminin çarəsi – tramvay?
Alternativ xidmətlərə ehtiyac yaranıb
-
SSRİ sevdalılarının cəfəng yalanları
Primakov Qarabağ separatçılarını deyil, Azərbaycanı cəzalandırmaq qərarını vermişdi
20 nömrəli məktəbin yanındakı dayanacaqda sürücü pulsuz düşən oğlana səslənir: “Yol pulunu kim verəcək, görəsən?” Replikanın cavabında gənc sərnişin “bu gün avtobuslar pulsuzdur” deyib düşür. Yerdə qalan sərnişinlərdən səs çıxmır, sakitcə pullarını verib düşürlər.
Axı, doğrudan da elan edilmişdi ki, yanvarın 20-də Şəhidlər xiyabanı istiqamətində işləyən avtobusların hamısı pulsuz olacaq. Bu ənənə illərdir ki, davam edir.
Əvvəllər yanvarın 20-də metronun bütün stansiyalarında sərnişinlər pulsuz istifadə edirdilər. Lakin son illər yalnız “20 Yanvar” stansiyasında pulsuz giriş olur. Əslində, bu qərarın məntiqini də anlamaq çətindir. Yalnız adı “20 Yanvar” olduğuna görə orada istifadəni pulsuz etmək hansı məqsədə arxalanır? Axı, ziyarətə təkcə o stansiyadan gəlmirlər. Şəhidlər xiyabanına daha yaxın yerləşən “Elmlər Akademiyası” və “İçərişəhər” stansiyalarında girişi pulsuz etmək daha effektiv olardı.
Həmin gün əlavə olaraq Abşeron şəhərətrafı zona üzrə hərəkət edən elektrik qatarlarında da gediş-gəliş pulsuz oldu. Amma indi elektrik qatarından istifadə edənlərin sayı çox azdır, həm də daha əvvəlki tək bu şəbəkə Bakı kəndlərini əhatə etmir. Ona görə çox az adam bu güzəştdən yararlana bilib.
Avtobuslara gəlincə, illərdir Şəhidlər xiyabanına işləyən avtobuslar pulsuz olurdu. Məqsəd də o idi ki, şəhidlərin ruhunu yad etmək niyyətində olan insanlar əlavə əziyyət və xərc çəkməsinlər. Axı, adətən hər kəs ora ailəliklə gedir, hər evdən 6-7 nəfər yollanır. Hətta Azərbaycanın regionlarından da insanlar Bakıya axışıb gəlirlər. Bu il də Nəqliyyat Nazirliyi “Elmlər Akademiyası”ndan xüsusi avtobusların Parlament prospektinə qədər pulsuz işləyəcəyini bəyan etmişdi. Lakin o da deyilmişdi ki, digər avtobusların pulsuz işləməsi sahibkarların təşəbbüsü ilə ola bilər.
Təəssüf, olmadı. Həmin xətdə işləyən hansısa özəl xətt sahibindən bu cür xeyirxahlıq nümunəsi görə bilmədik. Onsuz da hər kəs bu sahədəki vəziyyətdən xəbərdardır, artıq pul qazanmaq üçün sürücülərin, xətt sahiblərin hansı vasitələrə əl atdığının hər gün şahidi oluruq. Heç olmasa, ildə bir gün, özü də 20 Yanvar günündə bunları kənara atmaq olardı. Axı, hər birimiz 20 Yanvarda canını qurban verən şəhidlərimizə borcluyuq. Yəni, onların Azərbaycanı çıxardığı istiqlaliyyət yolu indi 20 qəpiklik yol puluna da dəyməzdimi?
