vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
ENERGETİKA  
23:58 | 27 dekabr 2017 | Çərşənbə Məqaləyə 3035 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Neftimiz tükənir»

Maliyyə nazirindən sensasion açıqlama: «Vəziyyəti düzəltmək üçün SOCAR-a pul ayrılacaq»

MÖVZU İLƏ ƏLAQƏLİ

«2018-ci ildə ölkə iqtisadiyyatının 1,5 faiz artacağı, artımın böyük hissəsinin qeyri-neft sektorunun payına düşəcəyi gözlənilir». VAXT.AZ xəbər verir ki, bunu maliyyə naziri Samir Şərifov bildirib.

Nazir qeyd edib ki, cari ildə də qeyri-neft sektoru 2,4 faiz artıb, neft sektorunda isə bir qədər geriləmə mövcuddur:

«Bu təbii haldır. Çünki bizim bəzi neft yataqlarımızın istismar müddəti sona çatmaqdadır. Şübhəsiz həmin yataqlarda olan neft ehtiyatları tükənir. Görürük ki, bu sektorda geriləmə qaçılmazdır. Digər tərəfdən, OPEC ilə razılaşma çərçivəsində Azərbaycan da hasilatını bir qədər azaldır. Bu da neft sektorunda geriləməyə təsir göstərir».

Nazir qeyd edib ki, neft sektorunda istehsalın geriləməsinin qarşısını almaq üçün SOCAR-ın nizamnamə kapitalı artırılacaq:

«Tükənən yataqlarının hasilat səviyyələrinin saxlanılması üçün SOCAR-ın nizamnamə kapitalı artırılacaqdır. Yataqlar ən azı tükənməməlidir, bu da vacibdir.  Çünki neft olmasa, bunu xaricdən almalı olacağıq. Xaricdən alanda da, buna xarici valyuta sərf etməli olacağıq. Buna görə, öz yataqlarımızdan maksimum səmərəli istifadə etmək düzgün yol olardı. Qərar qəbul olunub ki, SOCAR-a dövlət büdcəsindən müəyyən vəsaitlər ayrılsın. Söhbət SOCAR-ın nizamnamə kapitalının artırılmasından gedir. SOCAR-ın kapitalına qoyulan vəsait 2 istiqamətdə istifadə ediləcək. 1-ci istiqamət neft və qaz yataqlarının istismarının genişləndirilməsi və hasilat səviyyələrinin saxlanılması layihəsidir. İkinci layihə Heydər Əliyev adına Neft emalı zavodunun yenidən qurulması və modernləşdirilməsi layihəsidir. Bu da vacibdir, çünki bu zavod müasir deyil, neftin emal səviyyəsi aşağıdır, keyfiyyətli, ekoloji standartlara uyğun benzin istehsalına imkan vermir. Bir neçə il ərzində dövlət büdcəsindən bu layihələrə vəsaitlər ayrılacaqdır. Bu Azərbaycan üçün həyati əhəmiyyətli infrastruktur layihələrdir».